She çhionnal slattyssagh Vannin eh Tinvaal (Baarle: Tinvaal), ny Ard-whaiyl Tinvaal (Baarle: High Court of Tynwald) ny Quaiyl Tinvaal (Baarle: Tynwald Court) dy formoil. T'eh jeant ass daa hamyr, ta goll er enney myr banglaneyn Tinvaal: y Kiare as Feed jeeragh-reiht as y Choonseil Slattyssagh ta reiht dy neuyeeragh. Tra ta'n daa shamyr soie ry-cheilley, t'ad enmyssit "Quaiyl Tinvaal".
Ta ny shamyryn soie ry-cheilley, er Laa Tinvaal ayns Balley Keeill Eoin son cooishyn jesh-chliaghtagh er y chooid smoo, as un cheayrt 'sy vee ayns ny Troggalyn Slattyssagh ayns Doolish. Er nonney, ta'n daa hamyr soie er lheh, as ta'n Kiare as Feed cur y chooid smoo jeh ny slattyssyn er bun tra ta'n Choonseil Slattyssagh gobbraghey myr shamyr aa-scrutee.
Bun-ocklaght
Ta'n fockle Tinvaal, gollrish Þingvellir yn Eeslynnish as Tingvoll y Norlynnish, çheet ass Þingvǫllr y Çhenn Loghlynish ta çheet er boayl çhaglee yn çhionnal, magher (vǫllr→wald, cf. co-cheintagh weald y Çhenn Vaarle)[1] y thing.
Imraaghyn
.png)
