Dagiti naisangayan nga urnong dagiti manuskrito, dagiti espesial nga urnong dagiti libro, musika, dagiti programa ti radio ken telebision, pelikula, teatro, mapmapa, dagiti poster, dagiti retrato, dagiti potograpo, dagiti elektroniko a dokumento ken dagiti diario.
Ti Nailian a Biblioteka ti Israel (National Library of Israel – NLI; Hebreo: הספרייה הלאומית, romanisado: HaSifria HaLeumit; Arabiko: المكتبة الوطنية في إسرائيل), dati a Nailian ken Unibersidad a Biblioteka ti Hudio (Jewish National and University Library – JNUL; Hebreo: בית הספרים הלאומי והאוניברסיטאי, romanisado: Beit Ha-Sfarim Ha-Le'umi ve-Ha-Universita'i), ket ti biblioteka a nairegget iti panagurnong kadagiti gameng ti kultura iti Israel ken iti tawid ti Hudio. Agtengngel iti biblioteka kadagiti ad-adu ngem 5 a riwriw a libro, ken mabirukan iti kampus ti Givat Ram iti Unibersidad ti Hebreo iti Herusalem.
Agtagikua ti Nailian a Biblioteka iti kadakkelan nga urnong iti Hebraica ken Judaica, ken repositorio daytoy dagiti adu a karkarna ken naisangayan a manuskrito, liblibro ken dagiti artipakto.
Pakasaritaan
Ti pannakapundar ti Nailian ken Unibersidad a Biblioteka ti Hudio ket kapanunotan idi ni Joseph Chazanovitz (1844–1919). Ti kapanunotanna ket ti agpartuat iti maysa a "balay para kadagiti amin nga obra kadagiti amin a pagsasao ken dagiti literatura nga addaan kadagiti mannurat a Hudio, uray no agpartuatda kadagiti gangganaet a kultura." Nakaurnong ni Chazanovitz kadagiti agarup a 15,000 a tomo a kanungpalan a nagbalin a ti bugas ti biblioteka.[1]
Daytoy nga artikulo a mainaig iti siensia ti biblioteka ken siensia ti pakaammo ket pungol. Makatulongka iti Wikipedia babaen ti panagnayon iti daytoy.
