Isu ket nagbalin nga interesado iti pisika iti nasapa a tawen. Idi 1883 ti Aurora borealis ket napasamak a nakita idiay Olanda. Zeeman, idi ket estudiante iti nangato a pagadalan idiay Zierikzee, ken nagaramid ti panangiladawan ken deskripsion iti penomenon ken intedna daytoy iti Nature, nga idi met ket naipablaak. Ti editor ket dinayawna "dagiti naannad a panagpalpaliiw Ni Propesor manipud ti obserbatoria idiay Zonnemaire".
Kalpasan ti panagturpos iti nangato a panagadal idi 1883 isu ket napan idiay Delft para iti suplementario nga edukasion kadagiti pagsasao a klasiko, nga idi ket nasken para it ipanaserrek iti Unibersidad. Isu ket naggian idiay balay ni Dr J.W. Lely, kumadua a prinsipal iti himnasio ket kabsat a lalaki ni Cornelis Lely, ken isu ti akinrebbeng para iti konsepto ken realisasion iti Zuiderzee Works. Bayat nga adda idiay Delft, isu ket immmuna a nakaammo kenni Heike Kamerlingh Onnes, nga isu ti nagbalin idi a nagbalakad kaniana iti tesis.
