Núverandi fáni Írans var tekinn upp 29. júlí 1980 eftir Írönsku byltinguna. Hann er þrílitur með grænni, hvítri og rauðri þverrönd, rauðu merki Írans í miðju og orðin Allahu Akbar rituð með hvítu kúfísku letri á jaðri grænu og rauðu randanna.
Þríliti fáninn á rætur að rekja til 19. aldar en þá var merki Írans í fánanum ljón með bjúgsverð framan við sól. Margir Íranar erlendis notast enn við þennan eldri fána.
