Steve Angello (fæddur Steve Josefsson Fragogiannis, 22. nóvember 1982) er grísk-sænskur plötusnúður og framleiðandi. Hann er einn þriggja í Swedish House Mafia.[1]
Bakgrunnur
Angello fæddist í Aþenu, faðir hans var grískur en móðir hans sænsk. Faðir hans dó þegar Steve var unglingur og fluttist hann þá til Stokkhólms. Þar hóf hann að þeyta skífum og bræddi saman hip-hop, break-takta, sígilda tónlist frá 8. áratugnum og síðar house-tónlist. Með honum að þeyta skífum var Sebastian Ingrosso.
Tónlistaferill
Steve Angello semur tónlist undir nokkrum dulnefnum. Þar á meðal Who's Who sem er sóló-nafn hans og notaði við gerð laganna „Not So Dirty“ og „Sexy Fu*k“. Þegar þeir Sebastian Ingrosso vinna sama nota þeir nöfnin Buy Now, Fireflies, General Moders, Mode Hookers, Outfunk og The Sinners. Nú nýlega gáfu þeir út lagið „Bodycrash“ undir Buy Now-nafninu en þá unnu þeir takta upp úr „Let's All Chant“ sem Michael Zager Band gaf út árið 1978. Lagið var fyrst leikið í útvarpi á seinni hluta árs 2007 en lak svo á Netið í janúar árið eftir. Þá var það gefið út af Positiva Records. Svokölluð „Laidback Luke“-endurhljóðblöndun kom þá einnig út.
Ásamt Eric Prydz semur Angello undir nafninu A&P Project. Þeir Axwell kalla sig svo Supermongo og síðar Supermode. Þeir gerðu ábreiðu af Bronski Beat lagi undir nafninu „Tell Me Why“. Lagið kom út sumarið 2006.
Tónlistargerð Steve Angello telst helst house (til dæmis „Summer Noize“), framúrstefnulegt house (lagið „Yeah“) og raf-house („Raining Again“). Hann gefur út undir eigin plötufyrirtæki, Size Records.
Þá vann Angello að nokkrum lögum á Pop Life, breiðskífu David Guetta.
Tilvísanir
Heimildir
