Trúarbrögð

Trúarbrögð eru trú á yfirnáttúrulegar verur, guði eða dýrlinga ásamt siðfræði, venjum og jafnvel stofnunum tengdum trúnni. Víðari skilgreining er að trúarbrögð sé skýring á sambandi mannsins við alheiminn sem hann þrífst í. Trúarbrögð geta verið allt frá stórri skipulagðri stofnun eins og kaþólsku kirkjunni (sem byggir á eingyðistrú, rithefð og sterku félagslegu skipulagi) til trúarbragða ýmissa ættbálka í Afríku og Ástralíu (sem eru fjölgyðistrúar, byggja á munnlegri hefð og hafa yfirleitt fremur óformlegt skipulag) til þeirrar trúar að ekkert guðlegt afl sé til (guðleysi eða sterkt trúleysi, sem ekki má rugla saman við veikt trúleysi eða vantrú). Með fullri vissu má þó segja að flest trúarbrögð feli í sér trú á eitthvert form af guði eða skyldu afli.

Það er talið að séu um 10.000 trúarbrögð í heiminum. Fjölgyðistrú var hið dæmigerða trúarbragðaform fyrir útbreiðslu kristni og íslam. Sem dæmi eru flest form af hindúisma, fjölgyðistrú, og er hindúismi elsta (fjölgyðis) trúin stunduð í nútímanum.

Samkvæmt skoðanakönnun frá 2015 sem skoðaði trúarbrögð í 57 söldum eru fimm fjölmennustu trúarbrögð heim eftirfarandi:^[1]:

1. Kristni - 2,3 milljarður
2. Íslam - 1,8 milljarðar
3. Hindúismi - 1,1 milljarður
4. Búddismi - 500 milljónir
5. Alþýðutrú - 400 milljónir (Í raun ekki ein trúarbrögð, heldur samsafn ýmissa)

Wikivitnun er með safn tilvitnana á síðunni Trúarbrögð.

• „Hvernig urðu öll trúarbrögð til?“. Vísindavefurinn.
• „Hvað eru til mörg trúarbrögð í heiminum?“. Vísindavefurinn.
• „Hvaða trúarbrögð eru útbreiddust í heiminum?“. Vísindavefurinn.

1. ↑ „Christians are the largest religious group in 2015“. Pew Research Center. Afrit af uppruna á 8. júlí 2022. Sótt 8. júlí 2022.