Switserlan ndarbèni papat basa nasional: Basa Jerman, Prancis, Italia lan Romansh. Saka patang basa iki namung telung basa ndarbèni status resmi ing tingkat nasional sajeroning administrasi nagara ing Konféderasi Switserlan: Basa Jerman, Prancis lan Italia.
Cacahé panutur ibu iku 4,6 yuta kanggo basa Jerman (64 persèn), 1,5 yuta kanggo basa Prancis (20 persèn), 0,5 yuta kanggo basa Italia (6,5 persèn) lan basa Romansh 35.000 (kurang saka 0,5 persèn).
Tlatah panuturan basa Prancis dunungé ana sisih kulon, tlatah panuturan basa Jerman ana sisih tengah, lor lan wétan, basa Italia ing sisih kidul lan basa Romansh ing sisih wétan.
Sawetara kanton ing Switserlan ndarbèni status dwibasa lan Graubünden malahan ndarbèni status tribasa.
