Tasensartut (s Tlatint: taxinomia, Seg Tagrikt tamzikt: «τάξις= Asnay» d «νόμος= Tarrayt») d tussna yezzin ɣef usenmel d usemmi n yimuddiren (iɣersiwen, imɣan, adalen... Atg).[1][2][3] Tasensartut teqqen s talɣa tuntimt yakk d usesmel n tesnudert i yimuddiren.
Kuyas i d-ttilin isesmilen isnudranen ttwasɣersen s ubellez amnursuy, ttwasunɣen s telɣa n waddag neɣ tikwal ttwagnsasen s talɣa n iɣawasen imassaɣen i wakken ad tetwaskin (ad tettwabnan) s tmuskiwin tiẓeṭṭanin anda deg kra n isesmilen yezmer ad yegber yiwen n wegmam deffir-s aṭas n yimrawen d yiẓuṛan. Amdya, aɣeṛda deg uɣawas amassaɣ yezmer ad ibin s ddaw n temseɣẓaẓ nniden i d-tizwaren neɣ inegren, neɣ s ddaw n temseɣẓaẓ nniden i d-t-yugaren deg wedras.
Asesmel amzik (aqbur)
Iswiren n usesmel
Imuddiren ttwabellzen ɣer tegrawin s unect d unagi ɣef tanfiwin-nsent acku asesmel issemrasen imusnawen iga d amur seg unagraw amnursuy amazrar anda yal taggayt tezzag-d deg tayeṭ:
Talmest (species): d tagrawt n imuddiren yettemcabin ama deg talɣa neɣ deg ussezgi yerna zemren ad ssiknen gugar-asen w ad farsen tasuta tamaynut deg tegnatin tigamanin
Tawsit (genus): d tagrawt n telmas yettaken assaɣ meqqren gugar-asent yerna ttemcabint, zdint deg yiwen n uẓar
Tawacult: (family): tga d adras imineg seld n tewsit, tegber seg tewsitin yettemcabin gugar-asent
Tafesna: d tagrawt igebren seg twaculin timaddasin yettemcabin
Asmil (class): tegber seg tfesniwin ilan (yesɛan) assaɣ gar-asent
