Boreas

Boreas (-eae, masc.) (Graece Βορέας 'septentrionalis') est ventus qui a septentrionibus flat. Ventus est ergo frigidus. Graeci pluviam frigidam bora seu μπόρα appellant.

Boreas maiores partes in mythologia Graeca egit quam ceteri venti. Nam Orithyiam, filiam regis Erechthei, Athenis rapuisse dicitur^[1] ac secum in Thraciam duxisse ubi uxorem habuit. Ex ea duos filios genuit, Calain et Zeten, -qui expeditioni Argonautarum interfuerunt-, et duas filias Chionen et Cleopatram quae regi Phineo nupsit.

In Thracia antrum montis Haemi habitasse dicitur. Barbatus et alatus in vasibus pictus est. Cultu quoque honorabatur et Athenis ad flumen Ilissum, quia Athenienses ei, ut "genero" unius e regibus suis, gratias agebant quod classem Xerxis anno 480 a.C.n. ad Magnesiae litus male mulcasset^[2], et in Arcadia ab eis quos in pugnis adiuvasse dicebatur^[3].

• Hyginus mythographus Fabulae 53,140.
• Ovidius libro sexto Metamorphoseon versus 675-721

Boreas in pluribus rosis ventorum:

• Hyperborea
• Venti
• Voipel

Vicimedia Communia plura habent quae ad Boream spectant.