Share to: share facebook share twitter share wa share telegram print page

Larva (zoologia)

Coleoptera familiae Coccinellidarum: compara adulta (16, 20, 24, 27, 31) cum larvis (18, 22, 25, 30, 32)

Larva,[1][2][3][4] sensu zoologico, est forma animalis de ovo exeuntis ab animali adulto, ad generandam scilicet prolem parato, diversa.[5] Vertebrata plura sunt larva carentes, scilicet de ovo in forma parentibus simili exeuntia, quam quae larvam habent, ad quae praesertim Amphibia pertinent. E contra, apud Insecta plura sunt larvam habentes quam quae larva carent. Multae larvae nomina propria habent, exempli gratia eruca, larva Lepidopterorum et nonnullorum Hymenopterorum,[6] vel leptocephalus, larva anguillarum.

Ad quaestionem, quae formae animalium in evolutione primo apparuissent, utrum larvarum an adultorum, primum responsum Ernestus Haeckel dedit, animalia antiquissima larvis hodiernorum similia esse affirmans. E contra, hodie prima animalia adultis hodiernorum potius quam larvis similia fuisse credentur, larvis planctonicis nonnisi Cambrio apparentibus.[7]

Pinacotheca

Notae

  1. ↑ "Larva nuda, viridis" Linnaeus, C. (1758) Systema naturae. Holmiae: L. Salvii. [p. 513]
  2. ↑ Dahlbom, Andreas Gustavus (1835) Clavis novi Hymenopterorum systematis, anatomia externa, metamorphosi moribusque horum animalium simul consideratis; adjecta Synopsi larvarum ejusdem ordinis Scandinavicarum eruciformium. Lundae: typis excudit C. F. Berling.
  3. ↑ "Hae summo impetu Termitum larvas aggressae, eas trucidarunt" Perty, M. (1830–1834) Delectus animalium articulatorum... Monachii. [p. 23]
  4. ↑ "Libellularum larvarum nympharumque tracheae..." Hausmann, Ioannes Fredericus Ludovicus (1803) De animalium exsanguium respiratione. Hannoverae: Hahn. [p. 41]
  5. ↑ Boulard, Michael (2000) Métamorphoses et transformations animales. Parisiis: Boubée. ISBN 9782850040924.
  6. ↑ Razowski, Iosephus (1987) Słownik entomologiczny. Varsoviae: PWN. ISBN 83-01-07907-X.
  7. ↑ Raff, Rudolphus A. (2008) Origins of the other metazoan body plans: the evolution of larval forms. Philosophical Transactions of the Royal Society of London, B: Biological Sciences, 363(1496): 1473–1479.
Kembali kehalaman sebelumnya