Jean Werner

Jean Werner
Gebuer	26. Juli 1941 Lëtzebuerg
Gestuerwen	22. Oktober 2017
Nationalitéit	Lëtzebuerg
Educatioun	Stater Jongelycée, Universitéit vun Nanzeg, Institut d'études politiques de Paris
Aktivitéit	Jurist, Botaniker, Zaldot
Member vun	Société des naturalistes luxembourgeois
Famill
Papp	Pierre Werner

De Jean Werner, gebuer de 26. Juli 1941 an der Stad Lëtzebuerg^[1], a gestuerwen den 22. Oktober 2017^[2], war e lëtzebuergesche Jurist a Botaniker.

De Jean Werner war e Spezialist vun de Moosplanzen (Bryophyten). Hien huet ronn 100 wëssenschaftlech Aarbechten iwwer den Inventaire, d'Kartéierung an d'Rout Lëschte vun de Mooser zu Lëtzebuerg an och an Däitschland an a Frankräich publizéiert.

Donieft huet hie sech fir den Naturschutz engagéiert. Vun 1989 bis 2012 war hie President vun der Mëllerdallkommissioun vum Ëmweltministère.

Hie war Member vun der Section des sciences vum Institut grand-ducal. Vun 1985 bis 2002 war hie Vizepresident vun der Société des naturalistes luxembourgeois.

De Jean Werner war mat der Marie-Louise Braun bestuet a Papp vun zwee Kanner. Hie war de Jong vum Pierre Werner.

No sengem Studium am Droit huet de Jean Werner eng kuerz Zäit als Affekot an duerno bis zu senger Pensioun an enger Bank zu Lëtzebuerg geschafft.

• Werner, J., 1987. Didymodon glaucus Ryan (Musci) dans la Petite Suisse Luxembourgeoise. Bulletin de la Société des naturalistes luxembourgeois 87: 61-67.
• Werner, J., 1987. Einige seltene mediterrane Moose aus dem mittleren Moseltal (Muschelkalkgebiet, Rheinland-Pfalz, B.R.D.). Bulletin de la Société des naturalistes luxembourgeois 87: 57-60.
• Werner, J., 2011. Les bryophytes du Luxembourg – Liste annotée et atlas. Ferrantia 65: 1-144. PDF
• Werner, J. & A. Arendt, 2016. Les sources de la région gréseuse du Luxembourg. Sociologie de la bryoflore et conservation. Ferrantia 74: 1-37. PDF

• 1. Präis vum Präis Hëllef fir d'Natur (Editioun 2012)^[3]
• Officier vum Ordre de la couronne de chêne (Promotioun 2003)^[4]
• Officier vum Ordre de Mérite civil et militaire d'Adolphe de Nassau (Promotioun 2011)^[4]

• Massard, J.A. & G. Geimer, 2015. Le bulletin de la Société des naturalistes luxembourgeois (SNL) et ses auteurs depuis 1990, une sélection de notices bio-bibliographiques. Bulletin de la Société des naturalistes luxembourgeois 116: 457-504 [Jean Werner: S. 501-504].
• Meisch, C., 2018. Nécrologie: Jean Werner (1941-2017). Bulletin de la Société des naturalistes luxembourgeois 120: 165-166.

• Lëscht vu lëtzebuergesche Botaniker a Mykologen
• Lëscht vu lëtzebuergesche Biologen

1. ↑ (rsd), 2013. Anerkannter Fachmann für Moose. "Präis Hëllef fir d'Natur" für Jean Werner.
2. ↑ Luxemburger Wort 2017-10-24, S. 62 (Doudesannonce)
3. ↑ Präis Hëllef fir d'Natur 2012 Archivéiert de(n) 2017-07-01. Gekuckt de(n) 2015-05-24.
4. ↑ ^{4,0 4,1} Curriculum vitae vum Jean Werner op naturemwelt.lu