Philippe Schaus

Philippe Schaus
Gebuer	6. Juni 1963 Lëtzebuerg
Nationalitéit	Lëtzebuerg
Educatioun	INSEAD
Aktivitéit	Ingenieur

De Philippe Schaus, gebuer de 6. Juni 1963, ass e lëtzebuergeschen Ingenieur a Manager.

No sengem Secondaire am Stater Kolléisch huet hie vun 1982 bis 1987 op der Universitéit vu Léck Fligerbau studéiert an duerno e Business MBA um INSEAD gemaacht.

De Schaus war vun 1992 bis 2002 am Conseil d'administration vu Villeroy & Boch, duerno Generaldirekter bei Degrenne an huet méi spéit beim DFS Group, enger Filial vum Grupp LVMH, déi hire Sëtz zu Hong Kong huet, geschafft. Hie war do Group President - Merchandising and Marketing a vun 2012 bis 2017 Chief Executive Officer an Chairman vum Grupp. Zanter Enn 2017 huet hien déi Positioun bei Moët Hennessy^[1].

Säi Grousspapp war den Eugène Schaus.

• Message from our CEO, e Message vum Philippe Schaus um Site vun der Firma DFS Group.

1. ↑ CV vum Philippe Schaus op sengem Profil bei linkedin.com, gekuckt den 1. Januar 2020