Regierung Frieden-Bettel

D'Regierung Frieden-Bettel ass zanter dem 17. November 2023 eng Koalitiounsregierung aus CSV an DP, déi aus de Chamberwale vum 8. Oktober 2023 zu Lëtzebuerg ervirgaangen ass. Si baséiert um Koalitiounsaccord, deen de 15. November 2023 vun deenen zwou Parteien op ausseruerdentleche Kongresser guttgeheescht^[1]^,^[2] an deen Dag drop ënnerschriwwe gouf^[3]. Regierungschef ass de Luc Frieden (CSV), Vizepremier de Xavier Bettel (DP).

Et ass fir d'éischt zanter 19 Joer datt, no der Regierung Juncker-Polfer (1999-2004), eng CSV-DP Koalitioun d'Regierung stellt.

Si besteet aus 15 Ministeren.^[4]

Zesummesetzung

Regierung Frieden - Bettel
(Stand: 17. November 2023)
Numm	Partei	Portefeuille(n)
Luc Frieden	CSV	Premierminister; Minister fir Medien a Kommunikatioun
Xavier Bettel	DP	Vize-Premier an Ausseminister; Minister fir den Aussenhandel a fir d'Groussregioun
Martine Hansen	CSV	Ministesch fir Landwirtschaft, Ernärung a Wäibau
Claude Meisch	DP	Minister fir d'Educatioun, Kanner a Jugend; Minister fir de Logement an d'Landesplanung
Lex Delles	DP	Minister fir Ekonomie, Kleng- a Mëttelbetriber; Minister fir Energie; Minister fir Tourismus
Yuriko Backes	DP	Ministesch fir Verdeedegung; Ministesch fir Gläichstellung; Ministesch fir Mobilitéit an Ëffentlech Aarbechten
Max Hahn	DP	Minister fir Famill, Solidaritéiten, Zesummeliewen an Accueil
Gilles Roth	CSV	Finanzminister
Martine Deprez	CSV	Ministesch fir Gesondheet a sozial Sécherheet
Léon Gloden	CSV	Inneminister
Stéphanie Obertin	DP	Ministesch fir Digitaliséierung; Ministesch fir Fuerschung an Héichschoulen
Georges Mischo	CSV	Sportminister; Aarbechtsminster
Serge Wilmes	CSV	Ëmweltminister a Minister fir Klima a Biodiversitéit; Minister vun der Fonction publique
Elisabeth Margue	CSV	Justizministesch; Delegéiert Ministesch vum Premierminister fir d'Ressorte Medien a Kommunikatioun; Delegéiert Ministesch vum Premierminister fir d'Bezéiunge mam Parlament.
Eric Thill	DP	Kulturminister; Delegéierte Minister fir Tourismus