Dit artikel is gesjreve (of begós) in 't Heljes. Laes hie wie v'r mit de versjillende saorte Limburgs ómgaon.
Echel (Nederlands Egchel) is 'n dörp in de Nederlands-Limburgse gemeinte Pieël en Maas, t'n zuide van Kepèl (Panningen), mèt op 1 juli 2008 1000 inwoeëners.
Echel, in de Middelieëwe Achtel, waas in vreuger tieje 'n jachgebied. Dao zien archeologische spore oet de viefde en achste ieëw gevonge. Echel bleef hiel lank 'n gehuch: in 1948 kreeg 't pas 'n eige parochiekèrk. Groeëte werkgaever in Echel is d'n tuinbouw.
Tot 1 januari 2010 waor Echel deil van de gemeinte Helje. Daovan waor 't bie häör opheffing de kleinste kern.
