Euverijssel (Nederlands Overijssel, Nedersaksisch Oaveriesel) is 'n provincie vaan Nederland. Vreuger waor 't bekind es 't Euverstiech: 't deil vaan 't bisdom Utrei wat euver d'n IJssel laog. De hoofstad vaan de provincie is Zwolle. Euverijssel grens aon Friesland, Drente, Duutsland, Gelderland en Flevoland.
Taol
De volkstaol vaan Euverijssel is Nedersaksisch. De in 't weste gesproke variante heite Sallands, die vaan 't ooste Twents. In 't uterste noorde weure dialekte gesproke die wel Nedersaksisch zien meh neet tot ein vaan bei variante hure; meistal weure die 't Stellingwerfs touwgerekend. Ouch de stei höbbe häör eige dialekte; deze verdwijne evels gawwer es de plattelandsdialekte.
In dees provincie zien neet euverdreve väöl gemeintes samegeveug. Dat kump doortot de verdeiling vaan 't Euversteich altied al groetsjaoleg waor. In 1818 woorte zelfs nog e paar gemeintes geplits, mèt naome stei die ambte in de umgeving hadde. Die splitsinge maakde me later weer oongedoon ('t lèste in 2001, bij Amb en Stad Delden). De einege groete herindeilinge voonte plaots in 1973 (Kop vaan Euverijssel) en 2001 (ganse provincie). Nog altied in euverweging is 'n fusie tösse Enschede, Hengelo en Borne.
