Bundsautobahn 10

De Bundsautobahn 10 (Afk.:BAB 10, in Kortform ok A 10 nöömt) is en Autobahn in’n Oosten vun Düütschland. Se verlöpt to’n gröttsten Deel op dat Rebeet vun Brannenborg as’n wieten slaten Ring üm Berlin rüm. De A 10 hett en Samtläng vun 196 km. Se warrt ok as Berliner Ring betekent, dröff aver nich verwesselt warrn mit den Berliner Stadtring, de in West-Berlin bit to de Wedderverenigen disse Autobahntall harr.

Historie

De BAB 10 is in de Johren vun 1936 bit 1939 in mehrere Delen twüschen Berlin-Buch un Potsdam-Noord in’n Oosten un Süüden för den Verkehr freegeven worrn. Dat is in folgende Afsnitten passeert:

1936 AD Werder – AS Groß-Kreutz
1936 AS Weißensee – AD Schwanebeck
1937 AD Schwanebeck – AD Spreeau
1937 AS Potsdam-Süd – AD Werder
1938 AD Spreeau – AS Potsdam-Süd

In de Johren vun 1972 bit 1974 is denn de Afsnitt twüschen dat Dreeeck Havelland un Berlin-Buch fardigmakkt worrn. Mit Apenmaken vun den Afsnitt Potsdam-Noord bit Dreeeck Havelland is de „Berliner Ring“ 1979 slaten worrn.

Verloop

Mit en Läng vun 196 km is de A 10 opstunns de längste Autobahnring vun de Welt. Aver woll nich mehr lang, as de Ken-Ō Expressway mit över 300 km bald die Stadt Tokio mit ehrn Ballungsruum ümsluten schall.

De Kilometers warrt vun’t Autobahndreeeck Schwanebeck an tellt, de fröher as Aftwieg Prenzlau betekent weer. An de Steed münnt de A 11 vun Stettin/Prenzlau in den Berliner Ring. Butendem münnt vun buten de Autobahnen A 2, A 9, A 12, A 13 un A 24 in de A 10. Na binnen is se mit den Berliner Stadtring un annere Delen vun Berlin över de Autobahnen A 111, A 113, A 114 un A 115 verbunnen.

Stünneneek

An’n Kilometer 82 twüschen Ludwigsfelde un dat Dreeeck Nuthetal stünn över’n half Johrhunnert lang op’n Middelstriepen de opfallige „Stünneneek“. Den Namm hett de Boom to de Tieten vun de DDR kregen, as de Autofohrer op de stark befohren Autobahn vun dor ut boch ruchweg een Stünn bit in de Binnenstadt vun Oost-Berlin bruken deen. Dat Naturdenkmol müss 2004 aver daalhaut warrn un is denn vun de Künstlersche Franziska Uhl to en tweedeelige Skulptur verarbeit worrn, de 2005 op’n Raathuusplatz in Ludwigsfelde opstellt worrn is.

Watertoorn vun Niederlehme

En Wohrteken an de A 10, dat ok vundaag noch besteiht, is de Watertoorn vun Niederlehme an’n süüdööstlichen Ring kort achter de Brüch över de Dahme. De Toorn steihtnipp un nau blangen de Autobahn. De Toorn is 27 Meter hooch un weer 1902 vullstännig ut Kalksandsteen boet. Dat Vörbild för dat Bowark weer de Galatoorn vun Istanbul ut de Johren 1348/49.

Utbotostandard

In’n Oost- un Süüddeel twüschen dat Dreeeck Schwanebeck un dat Dreeeck Werder, woneem de A 2 inmünnt, is de A 10 op söss Fohrstriepens utboet. In’n Sommer 2006 is de Afsnitt twüschen Berlin-Marzahn un Berlin-Hellersdorf sössstriepig freegeven worrn.

Dat gifft den Plaan, söss Striepens ok twüschen dat Dreeck Havelland un dat Dreeeck Schwanebeck intorichten, un in den Rahmen denn ok de A 24 sössstriepig vun Neuruppin bit navt Dreeeck Havelland uttoboen. Opstunns (März 2009) warrt dat Autobahndreeck Nuthetal ümboet. De Streck twüschen dit Autobahndreeck un dat Dreeeck Potsdam schall op acht Striepen utboet warr. En Utbo op söss Fohrstriepens schall ok för den Afsnitt vun’t Dreeeck Werder bit na Groß Kreutz. Disse Plaans finnt sik all in de vördringliche Nafraag in’n Bundsverkehrsweegplaan.

Wieter is de sösssporige Utbo twüschen Groß Kreutz un dat Dreeeck Havelland plaant.

Weblenken

Bundsautobahn 10. Mehr Biller, Videos oder Audiodateien to’t Thema gifft dat bi Wikimedia Commons.

Vullstännige Beschrieven vun’n Verloop (hdt.)

Düütsche Bundsautobahnen

Strecken in Bedriev:

Hööftstrecken: A 1 | A 2 | A 3 | A 4 | A 5 | A 6 | A 7 | A 8 | A 9

Över- un regional: A 10 | A 11 | A 12 | A 13 | A 14 | A 15 | A 17 | A 19 | A 20 | A 21 | A 23 | A 24 | A 25 | A 26 | A 27 | A 28 | A 29 | A 30 | A 31 | A 33 | A 37 | A 38 | A 39 | A 40 | A 42 | A 43 | A 44 | A 45 | A 46 | A 48 | A 49 | A 52 | A 57 | A 59 | A 60 | A 61 | A 62 | A 63 | A 64 | A 65 | A 66 | A 67 | A 70 | A 71 | A 72 | A 73 | A 81 | A 92 | A 93 | A 94 | A 95 | A 96 | A 98 | A 99

Regional un lokal: A 100 | A 103 | A 111 | A 113 | A 114 | A 115 | A 117 | A 143 | A 210 | A 215 | A 226 | A 255 | A 261 | A 270 | A 280 | A 281 | A 293 | A 352 | A 391 | A 392 | A 395 | A 445 | A 480 | A 485 | A 516 | A 524 | A 535 | A 540 | A 542 | A 544 | A 553 | A 555 | A 559 | A 560 | A 562 | A 565 | A 571 | A 573 | A 602 | A 620 | A 623 | A 643 | A 648 | A 650 | A 656 | A 659 | A 661 | A 671 | A 672 | A 831 | A 861 | A 864 | A 952 | A 980 | A 995

Plaant oder ehmolige Strecken:
A 16 | A 18 | A 22 | A 32 | A 34 | A 35 | A 36 | A 41 | A 47 | A 50 | A 51 | A 54 | A 55 | A 56 | A 69 | A 74 | A 77 | A 80 | A 82 | A 83 | A 84 | A 85 | A 86 | A 87 | A 88 | A 89 | A 90 | A 91