Hilbert van der Duim (* 4. August 1957 in Beetsterzwaag) is en ehmalger nedderlannsch Iesflinklöper.
Van der Duim wurr 1980 in Heerenveen un 1982 in Assen Weltmeester in‘ Mehrkamp. 1984 un 1985 wunn he de Bronzemedaille bi de Weltmeesterschapen. In de Johren 1983 un 1984 wurr van der Duim buterdem Mehrkampeuropameester.
Sien best Platzeeren bi Olympisch Winterspelen weer de veerte Rang 1980 in Lake Placid över 5000 Meter.
Van der Duim leep 1986 en Stünnenrekord. 1987 muss he sien Loopbahn wegen en Autounfall upgeven.
