Michael "Mike" Zwerin (* 18. Mai 1930 in New York City, New York; † 2. April 2010 in Paris, Frankriek) weer en US-amerikaansch Jazzmusiker (Basuun, Bassbasuun, Klaveer) un Schriever.
Leven
Zwerin stamm ut en Industriellenfamilie un lern mit söss Johren Geige. Later henn hett he de New York High School of Music and Art besöcht.
He speel 1948 in Miles Davis' Capitol-Band, bevör he nah Paris översiedelt is. 1958 is he weer in de USA torüchgahn un speel in diversen Big Bands vun Billy May, Claude Thornhill (1958/9), Maynard Ferguson as ok bi Bill Russo. Ut dat Orchestra U.S.A., in dat he 1962 - 1965 speel, hett he en Sextett makt un nehm dormit ungewöhnlich Arrangements vun Kurt Weill-Kompositschonen up. En Tournee mit Earl Hines 1966 führ hüm ok in de UdSSR. Dornah muss he sück aber üm de Verwalten vun dat Familienünnernehmen kümmern. Af 1969 fung he an, to’n Deel ut Süüdfrankriek ut, as Schriever to arbeiten. He schreev ünner annern för Village Voice un de International Herald Tribune. To’n Anfang vun de 1980er Johren gung he weer nah Paris torüch an nehm an Upnahmsezzions vun de dortig Jazzmusiker (t. B. Alan Silva) deel, speel aber ok mit de George Gruntz Concert Jazz Band, de Mingus Big Band un de New York Jazz Repertory Company.
Zwerin weer af 1980 starker as Jazz-Journalist tätig, u. a. för de International Herald Tribune. För sien Book över den Swing in de NS-Tiet hett he över mehrere Johren in ganz Europa mit Tiettüügen snackt.
Diskografie (Utwahl)
- Miles Davis, "(Complete) Birth of the Cool" (Columbia)
- Orchestra U. S. A. (mit Eric Dolphy) Debüt Colpix CLP 448
- Sextet of Orchestra U.S.A. (mit Eric Dolphy) RCA Victor LPM 3498 (ok as CD rutkommen: Bluebird 6285-2-RB)
- Michel Petrucciani, "Flash" (Buda);
- Archie Shepp, "Magic of Ju Ju" (Impulse!);
- Zip, "Getting Xperimental Over U" (Verve)
- Alexis Korner, "The Party Album" (Intercord/Castle): Mit Dick Heckstall-Smith, John Surman, Zoot Money, Eric Clapton, usw.
- Alan Silva Celestrial Communication Orchestra, "Desert Mirage" (IACP/France)
- Robert F. Pozar Ensemble, "Good Golly Miss Nancy" (Savoy): mit Jimmy Garrison
- Not much choice (mit Christian Escoudé) Spotlite (E)SLJLP19
- Not much noise Poljazz (P) Z-SX-0691
Böker
- La Tristesse de Saint Louis: Swing unter den Nazis. Wien 1988 (toeerst 1985)
- The Parisian Jazz Chronicles. An Improvisational Memoir. Yale 2006
- Close enough for Jazz. 1983 (Autobiographie)
Literatur
- Bohländer u. a. Reclams Jazz Lexikon, 1989
Weblenken
