Rolf Hoppe

Rolf Hoppe (* 6. Dezember 1930 in Ellrich, Harz ; † 14. November 2018 in Dresden) weer en düütschen Schauspeler.

Leven un Wark

Hoppe is de Söhn vun en Backermeester un hett na sien Backerlehr in den Beroop arbeit, weer blangento aver ok Kutscher (1945-1948). In Erfurt hett he en Schauspeelstudium an’t Staatliche Zentralkonservatorium afleggt un hett dorna toeerst as Deerpleger bi’n Zirkus Aeros arbeit. An’t Institut för Spreekwetenschop an de Martin-Luther-Universität Halle-Wittenberg in Halle (Saale) hett he sien Stimm utbilln laten un kreeg dorna en Verdrag an’t Theater der jungen Garde in Halle as ok an’t Theater der Jungen Welt in Leipzig. Wietere Statschonen weern dat Staatstheater Dresden (siet 1961), dat Düütsche Theater Berlin (twüschen 1970 un 1975), de Soltborger Festspelen, de Swiez, Italien un China.

Internatschonal bekannt worrn is Hoppe 1981 dör sien Rull as Hermann Göring in den Speelfilm Mephisto. He harr vele Rullen in Feernseh- un Speelfilmprodukschonen, weer aver faken Spreker in Höörspelen för Kinner as tovn Bispeel dat witte Kaninken in Alice im Wunderland (orig.: Alice’s Adventures in Wonderland) oder de Wind, de in’t Määrken Vun den Fischer un sien Fru GEschichten vertellt.

Hoppe wahnt in Dresden-Weißig. He is Theaterbaas vun’t Hoftheater Dresden, en Kamerheater, dat in en ehmoligen Buernhoff in Weißig ünnerbröcht is. In’t Johr 1995 hett he mit de Vision vun solk en Theater en Vereen grünnt, den Hoff köfft un an den Vereen spennt. De Speelplaan geiht na den kiünstlerischen Ansprook vun Hoppe. Deelwies speelt he ok sülvst, as to’n Bispeel Anfang 2007 in Vater Wiecks Liebe, wo in dat üm den Vadder vun Clara Wieck un Schoolmeester vun Robert Schumann geiht.

In’t Slott Weesenstein hett he en musikaalsch-literarische Reeg (Dresdner Dreiklänge) ingang bröcht. Dor leest he Määrken, Balladen un Geistergeschichten. 2010 is butendem de Toondräger Hoppe spricht Schöne Frühlingslieder^[1] rutkamen.

Hoppe weer verheiraat un harr twee Döchter. De jüngere dorvun, Christine Hoppe, is ok Schauspelersche.

Filmografie (Utwahl)

Johr	Titel
1963	Jetzt und in der Stunde meines Todes
1965	Die besten Jahre
1968	Ich war neunzehn
1968	Spur des Falken
1970	Tödlicher Irrtum
1972	Eolomea
1973	Die Hosen des Ritters Bredow
1973	Susanne und der Zauberring
1973	Tři oříšky pro Popelku dt.: Drei Haselnüsse für Aschenbrödel
1974	Ulzana
1974	Hans Röckle und der Teufel
1975	Die Bösewichter müssen dran
1977	Die Flucht
1979	Schatzsucher
1981	Mephisto
1982	Sonjas Rapport
1983	Frühlingssinfonie
1984	Ärztinnen
1985	Besuch bei Van Gogh
1986	Der Nachbar
1986	Das Haus am Fluß
1987	Magnat dt.: Chronik einer Fürstenfamilie
1989	Der Bruch
1989	Bangkok Story
1989	Ein brauchbarer Mann
1991	Bronsteins Kinder
1992	Schtonk!
1993	Die Lok
1993	Brandnacht
1995	Zu treuen Händen, Feernsehn
1997	Sterben ist gesünder
1997	Comedian Harmonists
1998	Palmetto
2001	La piovra 10, Feernsehn
2004	Am Kap der Liebe, Feernsehn
2004	Alles auf Zucker!
2009	Ich, Tomek
2009	Eine Liebe in St. Petersburg, Feernsehn
2011	Bittere Kirschen
2011	Linda geht tanzen, Feernsehn
2012	Wir wollten aufs Meer
2014	Ohne Dich
2016	Die Blumen von gestern

Utteken

Hoppe is för sien künstlerisch Wirken mit eenige Priesen uttekent worrn:

1971: Natschonalpries vun de DDR 1. Klass för Kunst un Literatur
1981: Pries vun de Film- un Feernsehkritik vun’n Ungaarschen Journalistenverband för sien Dorstellen vun Göring in István Szabós Speelfilm Mephisto
1995: Lessing-Pries vun’n Freistaat Sassen
1998: Adolf-Grimme-Pries för sien Dorstellen vun Heinz Baranowski in den Mehrdeeler Sardsch
2005: Golden Heen för’t Levenswark
2007: Kunstpries vun de Landshöötstadt Dresden
2010: Bundsverdeenstkrüüz 1. Klass