Thälsdörp (hoochdüütsch Thelstorf) is en Dörp in de Gemeen Jesborg (Samtgemeen Jesborg) in’n Landkreis Horborg, Neddersassen. Thälsdörp billt polietsch von öllers en Gemeenverband mit Lüll un Wiedenhoff.
Geografie
Thälsdörp liggt an dat linke Över von de Seev. En Stück in’n Süden münnt de Seppenser Beek in de Seev. In’n Oosten an de Seev liggt dat Naturschuulrebeed Hangbornmoor bi Weih.
De Naveröörd sünd Lüll, Wiedenhoff, Weih un Hassel in’n Noordoosten, Höpen un Schierhoorn in’n Süüdoosten, Holm un Wörm in’n Süüdwesten un Holm-Seppens un Seppens in’n Noordwesten.
Historie
Verwaltungsgeschicht
In de Franzosentied von 1810 bet 1814 hett de Oort to de Mairie Jesborg in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Vaagdie Hittfeld in dat Amt Horborg tohöört un denn von 1852 bet 1859 to dat Amt Hittfeld. 1859 is dat wedder Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n ne’en, grötteren Landkreis Horborg worrn.
De Oort is as Deel von de Gemeen Lüll an’n 1. Juli 1972 mit de Gemeenreform in Neddersassen an de Gemeen Jesborg kamen.
Inwahnertall
| Johr |
Inwahners
|
| 1793-00-001793[1] |
2 Füürsteden
|
| 1812-00-001812[2] |
36
|
| 1824-00-001824[3] |
5 Füürsteden
|
| 1848-00-001848[4] |
49 Lüüd, 5 Hüüs
|
| 1871-12-011. Dezember 1871[5] |
44 Lüüd, 6 Hüüs
|
Religion
Thälsdörp is evangeelsch-luthersch präägt un höört to dat Kaspel von de Martinskark in Jesborg.
För de Kathoolschen is de Petrus-Kark in Bookholt tostännig.
Weertschop un Infrastruktur
Thälsdörp höört to dat Rebeed von de freewillige Füürwehr Lüll, de 1937 grünnt worrn is.
Verkehr
Thälsdörp is över lüttjere Straten verbunnen mit de Kreisstraten 28 un 67. De K 28 geiht in’n Noorden över Holm-Seppens na Bookholt un in’n Süden över Holm na Inzmöhlen. In Holm geiht von de K 28 na Oosten de K 55 af na Diekshuus un Hanstää an de Landsstraat 213 ran. De K 67 is in’n Süden anbunnen an de K 55 un münnt in’n Noorden in Lüll in de K 83, de in’n Noordwesten över Reindörp na Bookholt geiht un in’n Noordoosten na Jesborg an de L 213.
De nächsten Autobahnen sünd de A 1 un A 7. De Opfohrt 42 Dibbersen op de A 1 liggt so 13 Kilometer in’n Noorden von Thälsdörp un de Opfohrt 39 Thieshoop op de A 7 so 15 Kilometer in’n Oosten.
De nächste Bahnhoff is so bi dree Kilometer wied weg in’n Süüdwesten de Bahnhoff Büsenbeekdaal an de Heidbahn.
Literatur
- Hans-Heinrich Wolfes: Lüllau, Thelstorf, Wiedenhof: Eine Dorfgeschichte. PD-Verlag, Heidenau 2009, ISBN 978-3-86707-827-6
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 227: https://books.google.de/books?id=jN5QAAAAcAAJ&pg=PA227
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
- ↑ C. H. Jansen: Statistisches Handbuch des Königreichs Hannover. 1824, Sied 593: http://books.google.de/books?id=tG0AAAAAcAAJ&pg=PA593
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 129: https://books.google.de/books?id=qTZDAQAAMAAJ&pg=RA2-PA129
