«Are You Ready» er ein song av det australske rockebandet AC/DC. Han finst på albumet The Razors Edge frå 1990. Eit konsertopptak av songen frå turneen med same namn kom ut på eitt av to konsertalbum av AC/DC i 1992, Live: 2 CD Collector's Edition. Låten gjekk til topps på singellista i New Zealand, og vart den einaste nummer éin-hitten deira der, og har vorte gullsertifisert for eit sal på over 5000. Låten nådde òg 16. plassen på den amerikanske BillboardAlbum Rock Tracks-lista, nummer seks i Irland, nummer 14 i Finland og nummer 18 i Australia. Bladet Music & Media kalla låten «det beste dømet på eit retorisk spørsmål».[1] «Are You Ready» vart brukt som det offisielle temaet for WWE SmackDown på Fox[2] og for NRK-serien Mesternes mester.
Musikkvideo
Musikkvideoen til denne songen, regissert av David Mallet,[3] viser fangar som deltek på ein AC/DC-minikonsert i fengselet sitt. Ein fange blir kledd opp for å gjera seg klar til bandet skal spela songen. Vaktene barberer hovudet hans nesten skalla, og lèt etter seg hår som utgjer logoen til AC/DC, den som liknar på omslaget til musikkvideoen til bandet, Clipped. Videoen vart filma i Bray Studios i Storbritannia, og dei som portretterte fangane hadde svart på ein open invitasjon sendt ut av Tommy Vance under hans Friday Rock Show på BBC Radio 1 nokre dagar tidlegare. Deltakarane fekk beskjed om å ta seg til Baker Street i London, der dei fekk delt ut «uniformene» sine og vart frakta med buss til Bray.
To avgrensa utgåver av 7-tommar singlar vart òg gjevne ut i Storbritannia. Ein av dei kom med eit AC/DC-klistremerke, medan det andre kom forma som ein liten ransel.[6][7]
