Brumunddal er ein tettstad og kommunesenteret i Ringsaker kommune i Innlandet med 11 177 innbyggjarar per 1. januar 2023. Tettstaden ligg på begge sider av elva Brumunda, litt ovanfor utløpet i Mjøsa, og har vakse fram som tettstad etter at jernbanen vart opna i 1894. Brumunddal ligg om lag 15 km nordvest for Hamar.
Brumunddal har atskilleg industri med tilknyting til jord- og skogbruk, særleg trevare- og næringsmiddelindustri. Brumunddal er eit servicesentrum for store delar av Ringsaker, med særleg vekt på tenesteyting overfor landbrukssektoren. Brumunddal kyrkje vart innvigd i 1965.
