Jordbruk er ei næringsgrein innan landbruket som vert driven for å produsera plantar, som vert etne av menneske og dyr. Noko av energien i plantane som vert nytta som dyrefor vert omset til menneskeføde når dyra vert slakta og kjøtet ete. Men omvegen om kjøt er ein lite effektiv måte å produsera menneskeføde på, ettersom berre ein brøkdel av energien i fôret finst i kjøtet. Forutan mat produserer jordbruket ymse typar fiber, som lin og bomull. Ull er òg eit viktig produkt.
Soge
Mjølking i Egypt.
Når dei fyrste menneskja tok til å dyrka jorda er uvisst. Wells nemner tidsbolken 15000 til 12000 år fvt.[1]. Dei fyrste skriftlege kjeldene er rundt 5000 år gamle og stammar frå Egypt.[2] I Noreg reknar ein med at det har vore drive jordbruk i nokre tusen år.[3]
