Miles of Aisles er det første konsertalbumet til den kanadiske visesongaren Joni Mitchell, gjeve ut i 1974 på Asylum Records. Det er eit dobbeltalbum som dokumenterer konsertane hennar under Court and Spark-turneen, i lag med bandet hennar for turneen, L.A. Express. Albumet nådde andreplassen på Billboard 200 og vart eit av dei bestseljande albuma hennar. Det selde til gullplate i USA.[6]
Innhald
Dette var den første turneen til Mitchell med musikarar til å akkompagnere seg. Før dette hadde ho generelt spelt solo og hadde aldri organisert ein turné med eit band.[7] Ho tok med seg eit allereie eksisterande band, jazzfusionbandet L.A. Express, som hadde spelt på det førre studioalbumet hennar, Court and Spark, den største salssuksessen hennar. Eit spor frå dette konsertalbumet, «Big Yellow Taxi», kom ut på singel. Fire år etter studioversjonen hadde nådd 67. plassen på Billboard Hot 100 som singel, nådde denne konsertversjonen 24. plassen på Billboard Hot 100-lista, og vart den fjerde topp 40-singelen til Mitchell og den tredje på rad.
