Nes kommune

For andre tydingar av oppslagsordet, sjå Nes.

Nes kommune
kommune
Kommunevåpen
Land	Noreg
Fylke	Akershus
Adm.senter	Årnes
Areal	640,77 km²
•  land	627,21 km²
•  vatn	13,56 km²
Folketal	24 645  (1. januar 2024)
Målform	bokmål
Ordførar	Tove Nyhus (Frp)
Kommunenr.	3228
Nes kommune 60°07′51″N 11°29′21″E / 60.130833°N 11.489167°E / 60.130833; 11.489167
Kart som viser Nes kommune.
Wikimedia Commons: Nes, Akershus
Nettstad: www.nes-ak.kommune.no

Nes kommune er ein kommune i Akershus fylke, som grensar i nord til Eidsvoll og Nord-Odal, i aust til Sør-Odal og Eidskog, i sør til Aurskog-Høland og Lillestrøm, og i vest til Ullensaker.

Tettstaden Vormsund var det opphavlege kommunesentret i Nes herad, men stasjonsbyen Årnes overtok gradvis etter at Kongsvingerbanen vart bygd. I dag finn ein rådhus og kommunesentrum i Årnes, som opphavlege var kapellani under det dåverande hovudsoknet Nes med sentrum ved Vormsund. I dag er Årnes prostesete for prosten i Østre Romerike prosti. Kampå i Fenstad, Brårud, Opakermoen og Skogrand i Skogbygda (Ingeborgrud) er mindre tettstader i nordre og austre del av kommunen og i sør og i aust ligg dei større byggjefelta Aulifeltet, Tomteråsen, Neskollen og tettstaden Haga. Svanfossen som regulerer Noregs største innsjø Mjøsa ligg i Fenstad. Årnes er framleis kjenneteikna som ein stasjonsby frå det 19. hundreåret, medan Nes hovudsokn er utprega med monumentalbygningar i og omkring Vormsund, bl.a Nes kyrkjeruinar, Nes kyrkje, Ullershov og Disen gardar.

Tusenårsstaden i Nes er Nes kyrkjeruinar på Vormsund, der Glomma og Vorma møter kvarandre. Kyrkja vart bygd på 1100-talet som ei av tre fylkeskyrkjer på Romerike. Ho ligg i dag i ruinar, men desse blir brukt til gudstenester, bryllaup og konsertar.

Nes samlingar

• Nes kyrkjeruinar – sjå ovanfor
• Stein skole – også kjent som Eventyrskolen
• Funnefoss industriarbeidermuseum – det gamle tresliperiet med arbeidarbustader
• Arbeidersmåbruket Furuset – småbruk frå 1909, halde i stand slik det var den gongen
• Auli mølle – den gamle mølla på Auli er framleis i driftsklar stand

Andre attraksjonar

• Disen – prestegard for Nes prestegjeld.
• Gamle Hvam Museum – museum der ein finn den store gamle ærverdige garden Store Hvam med dei bygga som høyrer til
• Svanfoss sluse – sluse som ligg i Fenstad

Raumnes er lokalavisa for Nes på Romerike og vert gjeven ut tre gonger i veka. Romerikes Blad og Glåmdalen har avdelningskontor på Årnes.

• Amund Maarud
• Sverre Myrli
• Åslaug Haga
• Torgeir Rebolledo Pedersen, poet som har vore i aksjonsgruppa Stuntpoetene
• Berit Mørdre (d. 2016)
• Jacob Jervell (d. 2014)
• Alf Tande-Petersen
• Geir Frigård

Denne artikkelen treng fleire referansar for verifikasjon. Du kan forbetra denne artikkelen ved å leggja inn referansar til pålitelege kjelder. Kven som helst kan fjerna kjeldelaust materiale utan forvarsel, men den føretrekte tilnærminga er i første omgang å markera dei setningene/påstandene som treng kjeldebelegg ved å tilføya {{tr}} etter påstanden. Malen blei sett inn 2019

• Nes kommune Arkivert 2013-06-03 ved Wayback Machine. (Offisiell nettstad)