Paul Armin Due

Paul Armin Due
Statsborgarskap	Noreg
Fødd	6. april 1870 Christiania
Død	27. mars 1926 (55 år) Oslo
Yrke	arkitekt
Far	Paul Due
Paul Armin Due på Commons

Paul Franz Wilhelm Armin Due (fødd 1870 i Kristiania, død 1926 i Oslo) var ein norsk arkitekt. Han var son til arkitekt Paul Due og fekk utdanning ved Polytechnikum i Hannover i 1896.

Han arbeidde dei første to åra i Tyskland, men gjekk inn i firmaet til faren frå 1898 og teikna ei rekke jernbanestasjonsbygningar, mellom anna til Gjøvikbanen, Flekkefjordbanen, Hell-Sunnanbanen, Drammenbanen og Bergensbanen.

Då far og son arbeidde med dei same prosjekta, er det i ettertid for nokre bygningar uvisst kven av dei to som skal ha hovudæra. Men dei aller fleste stasjonane^{[treng kjelde]} frå tida like etter 1900 og fram til 1910 var det Paul Armin som stod for. Medan faren var meir prega av historisme, teikna Paul Armin i ein meir jugend-prega stil, som var det nye og moderne stiluttrykket.

Frå 1911 hadde Paul Armin Due eige arkitektfirma i Kristiania. Fram til 1916 teikna han ein del villaer i Aker, mellom andre:

• Heggeliveien 55 (1911)
• Knausen, Jarlsborgveien 11 (1911)
• Sætra vei 12b (1911)
• Vækerøveien 31 (1915)
• Konventveien 8 (1916)
• Smestadveien 6 (1916)

Dei siste åra i sitt yrkesaktive liv arbeidde han hos Byarkitekten i Kristiania.

• Geir Tandberg Steigan: «Paul Armin Due» på nettstaden arc!