Portrait er det andre albumet til den amerikanskepopgruppaThe Walker Brothers. Det kom ut i 1966 og var det mest suksessrike dei hadde med ein tredjeplass på UK Albums Chart.[1] Akkompagnementet vart dirigert av Ivor Raymonde og Reg Guest og produsert av John Franz. Albumet fekk god til middels kritikk då det kom ut i både mono og stereo i august 1966. ALbumet vart sidan gjeven ut på CD og vart nymastra og utvida med bonusspor i 1998.
Portrait vart ikkje gjeven ut i USA. I staden sette Smash Records saman The Sun Ain't Gonna Shine Anymore som det andre albumet til gruppa der.[2] Denne alternative versjonen bytta ut dei fleste av A- og B-sidene på albumet og spor frå den første EPen deira, og berre «Just For A Thrill», «Old Folks», «People Get Ready» og «Take It Like a Man».
Portrait fekk god til blanda kritikk frå dei fleste kritikarane. Richie Unterberger skreiv for Allmusic at han tilrådde berre albumet for seriøse fans sidan dei beste spora alt finst på samleplata After the Lights Go Out. «Som andre pop/rock-later på denne tida leid han av eit forsøk på å appellere til eit større publikum enn dei som vanlegvis kjøpte pop/rock-plater, og la til ein cover av Louis Armstrong sin «Just for a Thrill», den gammaldagse standarden «Old Folks» og eit tamt forsøk på Curtis Mayfield sin «People Get Ready».»[3] Unterberger er positiv mot «In Your Room» som han skildrar som «dramatisk»[3] og «No Sad Songs for Me» som han kalla «melodramatisk»[3] og «den beste melodien som ikkje finst på After the Lights Go Out-samlinga».[3]
