Reuben Fine (11. oktober 1914–26. mars 1993) var ein amerikansk psykolog, stormeister i sjakk og sjakkskribent frå New York City. Han var blant dei beste sjakkspelarane i verda frå midt på 1930-talet til slutten av 1940-talet, då han avslutta si sjakkarriere til fordel for forsking innan psykologi.
Reuben Fine sitt beste resultat var i AVRO-turneringa i sjakk i 1938, der dei då 8 beste spelarane i verda deltok. Fine fekk like mange poeng som Paul Keres, men Keres fekk likevel førsteplassen fordi han vann innbyrdes oppgjer mot Fine med 1½ - ½.
Reuben Fine fekk tilbod om å vere ein av 6 spelarar som skulle spele om Verdsmeisterskapen i sjakk 1948, men takka nei. VM vart deretter spelt med 5 deltakarar.
Verdssjakkforbundet FIDE utnemnde Reuben Fine til Stormeister i sjakk i 1950, som ein av dei 27 første.
Minneverdige parti
- Reuben Fine - Mikhail Botvinnik, Amsterdam AVRO 1938, Fransk forsvar, Winawer/framstøyt-variant (C17), 1-0 Om sluttstillinga: «Svart har ikkje eit einaste trekk, og Tf3 trugar. Ein kombinasjon av ein framifrå strategisk ide med subtil taktikk.» (Botvinnik)
- Reuben Fine - Salo Flohr, Amsterdam AVRO 1938, Fransk forsvar, Winawer/framstøyt-variant (C17), 1-0 Djup taktikk i ein uvanleg variant av fransk forsvar.
- Reuben Fine - Herman Steiner, Pan-Amerikansk meisterskap, Hollywood 1945. Mottatt dronninggambit, klassisk variant (D29), 1-0 Fine ser lenger enn motstandaraen i ei skarp taktisk stilling.
Kjelder
Bakgrunnsstoff
.jpg)