Super Mario 3D Land er eit plattformspel som er utvikla av Nintendo EAD Tokyo og utgjeve av Nintendo til Nintendo 3DS. Spelet vart utgjeve internasjonalt i løpet av november 2011 og var det første spelet i Super Mario-serien som kom ut til Nintendo 3DS. Ein etterfølgjar til spelet, Super Mario 3D World, vart utgjeve til Wii U i 2013.
Super Mario 3D Land og etterfølgjaren skil seg frå andre spel i Mario-serien av di dei kombinerer spelemekanikkar både frå tradisjonelle, todimensjonale Mario-spel og moderne, tredimensjonale Mario-spel i sandkassestil. Spelet introduserer ei rekkje nye element til serien, som nye hjelpemiddel som gir Mario nye tamar. Handlinga i 3D Land er som i tidlegare spel i Super Mario-serien, med fokus på innsatsen til Mario for å redde prinsesse Peach som er vorte kidnappa av Bowser.[1][2]
