Words av F.R. David

«Words» er ein song av F.R. David frå 1982. Han vart ein stor hit og singelen selde åtte millionar eksemplar verda over. Han nådde andreplassen på den britiske singellista våren 1983. Songen vart opphavleg berre gjeven ut i Frankrike og Monaco vinteren 1981, men vart sidan gjeven ut i resten av Europa. I 1983 vart han gjeven ut i Amerika og Storbritannia og nådde toppen av singellista i Tyskland, Sveits, Sverige, Austerrike og Noreg. Han gjekk òg heilt til topps i Sør-Afrika og låg 25 veker på lista der.

Dei første eksemplar av både albumet og singelen skriv at songen er skriven av Robert Fitoussi, som er det verkelege namnet til F.R. David, aleine. Alle seinare utgåver skriv at musikken er skriven av Fitoussi og teksten av Marty Kupersmith & Louis S. Yaguda.

I 2000-åra gav David ut ein franskspråkleg duoversjon av songen med songaren Winda kalla «Words, j'aime ces mots». F.R. David og Winda spelte òg inn ein engelsk versjon som duo.

• Det britiske popbandet The Tremeloes spelte inn songen som singel på CBS i 1983. Versjonen deira vart mykje spelt på radio i Storbritannia, men missa så vidt topp 75 i heimlandet då originalversjonen byrja å klatre på listene i staden.
• Den spanske songaren Soraya Arnelas spelte inn ein versjon av Words i 2007 for albumet La Dolce Vita. Denne vart gjeven ut som singel og nådde sjetteplassen i Spania.

7" singel

1. «Words» — 3:31
2. «Dolce Vita» av Ryan Paris — 3:59

12" maxi

1. «Words» — 3:31
2. «When the Sun Goes Down» — 3:00

• Heile songteksten på MetroLyrics