You Got Lucky

«You Got Lucky» er ein song av Tom Petty and the Heartbreakers og den første singelen frå albumet Long After Dark i 1982. Singelen nådde 20. plassen på Billboard Hot 100 og toppen av Billboard Top Tracks-lista, der han låg i tre veker mot slutten av 1982.

Den offisielle videoen for singelen syner Tom Petty og Mike Campbell som kjem i ein svevebil i fjernsynsserien Logan's Run til i eit svart telt i ørkenen. Dei finn ein radio eller kassettspelar, skur han på og musikken startar, medan dei andre bandmedlemmane, Howie Epstein, Benmont Tench og Stan Lynch, kjem på ein motorsykkel med sidevogn. Dei går inn i teltet og skrur på straumen for instrumenta sine og ei rekkje fjernsynsapparat, der ein kan sjå videoar av The Heartbreakers sine «Here Comes My Girl» og «A Woman In Love (It's Not Me)». Campbell spelar ein gitarsolo, Howie vinn jackpot på ein einarma banditt, og Petty veltar eit Astro Invader-videospel før dei alle dreg avstad.

• Tom Petty – solovokal
• Mike Campbell – rytme- og sologitarar
• Benmont Tench – akustisk piano, synthesizer
• Stan Lynch – trommer
• Howie Epstein – bassgitar, korvokal
• Phil Jones – perkusjon

• Ein versjon av songen finst på ei deluxe-utgåve av The Gaslight Anthem-albumet Handwritten frå 2012.
• Divine Fits spelte 'You got Lucky' på åturneen sine i 2013.^[1]
• Tony Lucca spelte ein versjon av songen i 2011 på albumet Under The Influence.
• Ridley Bent spelte songen i 2014 på albumet Wildcard.^[2]