Champanhac lo Velh

Vilatge d'Occitània

Champanhac lo Velh
Champagnac-le-Vieux

Geografia fisica

Coordenadas

45° 21′ 31″ N, 3° 30′ 13″ E

Superfícia

20,61 km²

Altituds
· Maximala
· Mejana
· Minimala

980 m
880 m
640 m

Geografia politica

Auvèrnhe

França

Briude

de Sainte-Florine (Auson davant 2015)

Intercom
244301099

Auson Comunautat

Cònsol

Évelyne Miche
(2020-2026)

Geografia umana

Populacion
Populacion totala
(2018)

199 ab.

Evolucion de la populacion

201 ab.

Densitat

10,77 ab./km²

Autras informacions

Còde postal

43440

Còde INSEE

43052

Champanhac lo Velh^[1] (Champagnac-le-Vieux en francés) z-es una comuna auvernhassa situada dins lo departament del Naut Léger e la region d'Auvèrnhe-Ròse-Aups, ancianament d'Auvèrnhe.

Geografia

La baissa demografica de Champanhac lo Velh z-es impressionanta : 186 abitants en 2021 contra 520 en 1962. S'explica en partida per l'exòde rural, sevère dins aquelas contradas d'altitude nauta. Solament, i a mai : la visita de l'aglomeracion e, dins una certana mesura, la que se pòt faire sobe Street View (los imatges en junh de 2024 dtan de 2009 e la tombada comerciala s'es agravada desempueis) mòstra una granda quantitat de comèrces abandonats e, çò qu'es encara mai caracteristique, lo nombre important d'ancians otèls, excepcionau per una vilòta demorada totjorn de petita talha. Aquò's un indici que Champanhac èra la « viala » de las rotas. Z-es avòra quasi una viala-fantauma.
Las charrèiras en direccion de Champanhac son nombrosas :

La RD 588 (anciana RN 588), vès Briude e vès La Chaa Dieu;
La RD 5 pueis RD 16 vès Auson e l'ancian bacin charbonèir; l'axe oèst-èst RD 5-RD 588 z-es avòra lo pus important;
La RD 56, NE-SO, d'un costat vès Sent Jarman l'Arm, Sent Amanç de Ròcha Savina, etc, de l'autre vès Paulhaguet e Lanjac, amb una brancha vès La Vòuta;
Las autras direccions, vès Chaniat e Javaugues (RD 126), vès Anhac, vès Chassanhòlas e V-Olèiras (RD 566), son pus segondàrias.

I a doncas 8 direccions a partir de Champanhac. La seguida z-es dins la partida Istòria.

Comunas vesinas

Champanhac lo Velh

Saint-Vert
(2,7 km)

Chassinhòla
(4,5 km)

Agnat
(4,6 km)

Laval-sur-Doulon
(4,6 km)

Chaniat
(4,7 km)

Sant Alari
(5,7 km)

Perimètre delh territòri

Comunas confrontantas de **Champanhac lo Velh**
Sant Alari	Chassanhòlas\|	Sent Ver
		Laval-sur-Doulon
Anhac	Chaniat	Sant Desdèir de Dolon

Toponimia

Las fòrmas ancianas son : In loco Campaniaco, ecclesia fund. in hon. S. Petri, sans data, Prior de Champanhac en 1259, Champanhac-lo-Velh en 1300, Champanhacus Vetus en 1385, Champaignac-le- Viel en 1401, Champaignac en 1456 ^[2].
Segon Dauzat, Champanhac ven delh nom latin d'òme Campanius, ambelh sufixe -acum ^[3].
La prononciacion aproximativa, a Graneirs, z-es [tsampa'ɲa] ^[4].

Istòria

En 1789, Champanhac dependiá de la província d'Auvernhe, de l'éleccion de Soire, de la subdelegacion de Lende e delh ressòrt delh presidiau de Riam. Sa gleisa parochala, diocèsi de Sant Flor e archipreirat de Briude, èra delh vocable de Sant Pèire ^[2].
Entre las annadas 80 e avòra, la charrèira de Briude a la Chaa Dieu, que passava per Champanhac, saguèt desviada per Javaugues (RD 19). Champanhac a donc perduda sa pauta d'aucha Briude-La Chaa Dieu, Auson (e ancian bacin charbonèir)-La Chaa Dieu; la partida Briude-Champanhac z-es venguda mai que mai una viá d'accès. Mas aquò z-es pas tot e sufiriá pas a explicar la brutala tombada de l'activitat comerciala e de la demografia de la comuna. Alh secle XIX, Champanhac èra un caireforc important. Sus la mapa d'Estat-Major (segonda meitat delh secle XIX : i a los chamins de ferre), la RD 588 èra la charrèira de Sant Flor a Lion, doncas una nacionala importanta. La RD 56 vès Sent Jarman l'Arm, Sent Amanç de Ròcha Savina, en seguela de Briude-Champanhac, ne'n preniá probablament pus d'importància. La pèrda de la foncion de crosament saguèt, en realitat, progressiva.
Fòra de son activitat de passatge (otèls, restaurants, cafès...), Champanhac aviá, probablament, pauc d'activitats urbanas. Meime alh secle XIX, la comuna despassèt pas los 1200 abitants per mai de 20 km². En 1801 e meime en 1790-91, Champanhac saguèt pas chapluòc de canton. Aviá doncas pas los emplecs administratius (gendarmariá, perceptor, etc) associats a aquela foncion e beneficiava pas de la consideracion implicita de l'administracion departamentala. Una foncion administrativa z-es un element d'estabilitat, mai que l'activitat economica, per natura chamjanta, e lo ròtle de crosament. Tanben, pas un sole còp, un abitant de Champanhac saguèt conselhèir generau. Quand perdèt pauc a pauc sa foncion de crosament, Champanhac saguèt pas sostengut e, per manca d'autra foncion, li demorèt pas grand chausa.

Administracion

Lista delhs cònsols successius
Periòde		Identitat	Etiqueta
2020	(2026)	Évelyne Miche
març de 2008	2020	Michel Mignot
març de 2001	2008	Denis Marchand	divèrs esquèrra
	2001
Totas las donadas non son pas encara conegudas.

Demografia

modificar « persona »
v · d · m

Evolucion demografica
Populacion comunala actuala (2013): 222, totala: 232

805

1 054

981

1 008

1 045

1 107

1 085

1 127

1 140

1 083

1 044

1 055

1 005

976

978

974

936

920

896

870

721

728

711

702

564

535

520

486

415

340

301

277

244

241

237
245

2009

2010

234
244

232
242

Fonts

Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE

Evolucion de la populacion 1962-2008

En 2018 la populacion èra de 199 abitants e la densitat èra de 9,66 ab/km².

Luòcs e monuments

Personalitats ligadas amb la comuna

Veire tanben

Ligams extèrnes

Champanhac sobelh site de l'Insee

Nòtas

↑ Institut d'Estudis Occitans, Comission Toponimica Occitana, Luòcs, basa de donadas de toponimia occitana. Cèrca «Champanhac lo Velh».
↑ ^2,0 et ^2,1 Augustin Chassaing, Antoine Jacotin Dictionnaire topographique... de la Haute-Loire, 1907, p. 59 https://gallica.bnf.fr/ark:/12148/bpt6k392965/f108.item
↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 136, a Campagnac
↑ Enquèsta delh contributor en 2024