Checoslovaquia

Checoslovaquia foguèt un estat d'Euròpa centrala, creat en 1918, quora declarèt son independéncia d'Àustria-Ongria. En 1938, après los acòrds de Munic, los Sudèts venguèron una partida d'Alemanha, mentre que lo país perdèt d'autres territòris al profièch de Ongria e Polonha. Entre 1939 et 1945, l'Estat daissèt d'existir, quora Eslovaquia se proclamèt l'independéncia e que los territòris restants a l'èst venguèron una part de Ongria, mentre que dins la rèsta de las tèrras chècas, lo protectorat alemand de Boêmia e de Moravia foguèt proclamat. En 1939, après lo deslargament de la Segonda Guèrra Mondiala, l'ancian president checoslovac Edvard Beneš formèt un governament en exilh e delandèt la reconeissença dels Aliats.

Après la Segonda Guèrra Mondiala, la Checoslovaquia d'abans 1938 foguèt restablida, levat la Rutenia dels Carpats, que venguèt una part de la RSS d'Ucraïna (una republica de l'Union sovietica). De 1948 à 1989, Checoslovaquia fasiá partit del blòt de l'Èst amb une economia dirigida. Son estatut economic foguèt oficializat per l'adesion al Comecon a partir de 1949 e son estatut de defensa al dintre de la Pacha de Varsòvia de 1955. Un periòde de liberalizacion politica en 1968, la Prima de Praga, s'es acabada violentament quora l'Union sovietica ajudada par d'autres païses del Pacte de Varsovia, envasiguèt Checoslovaquia. En 1989, alara que los governaments marxists-leninists e lo comunisme s'acabavan dins tota l'Euròpa centrala e orientala, los checoslovacs depausèron pacificament lo lor governament socialist lo 17 de novembre de 1989 durant de la revolucion de velós. Lo 1èr de genièr de 1993, Checoslovaquia s'es devesida pacificament en dos Estats sobeirans, la Republica Chèca e Eslovaquia, a la seguida de las tensions nacionalas dels slovacs. Lo gentilici es checoslovac -a.