Mobilizat dins l'Armada Roja, Knorozov participèt a la batalha de Berlin au sen de l'artilhariá. Après lu combats, descurbèt de libres sus l'escritura maia que foguèron transferits en URSS[1]. Pendent la Guèrra Freja, Knorozov foguèt probablament l'unic lingüistica sovietic que s'interessèt a l'escritura maia. Sensa contacte emb lu maianistas occidentaus, emetèt l'ipotèsi dau caractèr logosillabic dau maia, es a dire qu'un signe vau una sillaba ò de sillabas. Dins un promier temps, aquela idea foguèt contestada en Occident mas lo sostèn dei arqueològues Michael Coe (1929-2019) e David H. Kelley (1924-2011) li permetèt de s'impausar. Per aquela descubèrta, Knorozov reçaupèt lo Prèmi d'Estat de l'URSS en lo 1977, l'Òrdre dau Quetzal en lo 1991 e l'Òrdre de l'Aigla Astèc en lo 1996.
Julia Kristeva, Langage, cet inconnu (Le), Points, 2014.
Nòtas e referéncias
↑Segon una legenda veïculada per l'arqueològue estatsunidenc Michael Coe, Knorozov auria sauvat aquelu libres d'un incendi. Totun, l'interessat coregissèt aquela version.
.jpg)