Parti di e Cas Real na 2011. Di robes pa drechi: Pieter van Vollenhoven, princesa Margriet, reina Beatrix, princesa Maxima, prins Willem-Alexander, princesa Laurentien y prins Constantijn
Cas Real den Reino Hulandes ta e parti di e famia real cu ta cualifica pa subi e trono y cu ta resorta bou di responsabilidad ministerial.
Miembro
Den Reino Hulandes e monarkia ta un funcion constitucional y ta cay bou di e Constitucion di Hulanda (grondwet). Pesey ta haci distincion entre miembronan di e Cas Real y miembronan di e famia real.
E ley Wet lidmaatschap koninklijk huis ta stipula kende ta miembro di e Cas Real. E rey of reina di Hulanda (hefe di estado) ta encabesa e Cas Real. Demas miembro ta e personanan cu segun constitucion ta sucesor di e monarka y ta cualifica como su famia den prome o di dos grado, incluyendo e hefe di estado cu a abdica. Tambe tur casa di e personanan aki ta miembro di e Cas Real.
