Sedi attuali dâ accademia a UvieduAntica sedi dâ academia
L'Academia de la Llingua Asturiana ('n sicilianu Accademia dâ lingua asturiana) è na stituzzioni dû Guvernu Asturianu (Consejo de Gobierno del Principado de Asturias) ca havi pi fini la difisa, la prumuzzioni e lu studiu dâ lingua asturiana.
L'ubbittivi principali sunnu la tutela dâ lingua, circannu di prumòviri l'utilizzu di l'asturianu ntâ pupulazioni, pi putiri tutilari la cultura di l'Asturi. L'ubbittivu di l'accademia è macari chiddu di studiari e nurmalizzari la lingua circannu di sviluppari un dizziunariu cumuni tra tutti li varitati d'asturianu.
Li primi attistazzioni di l'ALLA, comu veni nurmarmenti accurzatu lu nomu Academia de la Llingua Asturiana, cumpàrinu ntô sèculu XVIII quannu Gaspar Melchor de Jovellanos e Carlos González de Posada discurreru, ntê sò littri, dâ ntinzioni di criari na stituzzioni ca putissi tutilari la lingua asturiana.
