La Francia (oppuru Franza), ufficiarmenti République Française, è na ripùbbrica auropea di circa 64 miliuna d'abbitanti (cifra di jinnaru 2008). La capitali, Pariggi havi 12 miliuna d'abbitanti.
Lu tirritoriu francisi cumprenni puru la Còrsica, e diversi àutri tirritori sparsi ntô munnu. Amministrativamenti la Francia si sparti ntî 22 riggiuni, e ognuna dî riggiuni francisi è spartuta ntî dipartimenta. Certuni dî tirritoria sparsi ntô munnu hannu lu status di Dipartimenta d'Oltrimari e àutri simplicimenti di Tirritoria d'Oltrimari.
Storia
Ô primu sèculu a.C., lu tirritoriu francisi era abbitatu di tribbù di Galli, contra cui Giuliu Cèsari appi a cummàttiri ntâ sò òpira di spanzioni rumana.
Sutta lu mpiru rumanu, la Gallia fu prima rumanizzata. Cu li nvasioni bàrbari, lu pòpulu dî Franchi subbintrau ê rumani, mittennu li basi di chidda ca fu pi sèculi na munarchìa. La munarchìa agghicau a lu splinnuri màssimu sutta lu regnu di Luiggi XIV. Cu la rivuluzzioni francisi, l'idei ripubbricani hannu avanzatu e la munarchìa s'avìa altirnatu cu la ripùbbrica. Doppu la Secunna Guerra Munniali, la Francia è na ripùbbrica prisidinziali. La custituzzioni dû 1958 è la basi di l'attuali riggimi prisidinziali ca va sutta lu nomu di quinta ripùbbrica.
.svg){kind=small}
