Sud psixologiyasi - psixologiya sohasi; qonun buzuvchilar (kriminal psixologiya) va guvohlar (guvohlar psixologiyasi)ga taallukli masalalar doirasini oʻrganadi. Adolatli hukm chiqarishga yordam berish maqsadida bironbir qilmish yoki jinoyatning psixologik shartsharoitlari va (umumiy yoki xususiy) sabablarini tadqiq qiladi. Sudya, tergovchi, advokat va boshqa huquqtartibot sohasi xodimlarining psixologiyasini, bu tizimdagi shaxslarni ixtisoslikka saralash va oʻqitish metodlarini oʻrganish Sp.ning vazifasidir. Jazo muddatini oʻtash mobaynida jinoyatchilarni qayta tarbiyalash, ularda jinoyatchilik tuygʻularini bartaraf etishda ham Sud psixologiyasining ahamiyati katta.
