L'Etiòpia, ufisialmente Republica Democràtega Federale de l'Etiòpia la xe no Stato de l'Africa Oriental, inte el Corno d’Africa.
La confina co l’Eritrea a nord, Gibuti a nordest, la Somalia a est, el Kenya a sud, el Sud Sudan a ovest e el Sudan a nordovest.
Etimołozia
El nome de ancò vien dal greco aithiopia, el "paese da le face brusá", nome che i re etiopici usava par el loro regno dal IV secolo d.C..
I pi veci ricatamenti de l’esere umano se cata ne la region de l’Afar, in Etiòpia.
Lo scheletro de Lucy, considerá el pi vecio reperto umano fin ora trová, se pol vedar al museo nasional de Addis Abeba.
Za in tempi preistorici, l’Etiòpia gavea de i regni importanti. La Bibia la parla de l’Etiòpia, testi scriti in geez, la vecia lengoa de l’Etiopia, parla de i habash che abitava la zona. Da habsh vien el nome "Abissinia".
La majoria de la zente che vive in Etiopia desende da etnie locali che le sa misciá co popoli semitici che vegnea da la penisola arabica intorno al 1000 a.C.
Inte el 300 a.C. circa ghe i primi segni del regno de Aksum. El regno xera al centro de trafici tra el Mediteraneo, la val del Nilo e l’Oceano Indiano. El guadagno de sti trafici ga parmeso lo svilupo de una cultura complesa e, caso unico in Africa, de lo svilupo de la leteratura scrita.
Inte el 330 d.C. sirca, el cristianesimo xe rivá co do misionari siriani, Frumentius e on so compagno. La zente se convertì al cristianesimo.
El regno de Aksum andò vanti fin al VI secolo de la nostra era, quando le invasion arabe ga tajá fora l’altipian da le carovane de marcanti. I re cristiani fù boni de mantegnar el control de i altipiani, ma i ga dovesto de frecuente combatar co i musulmani.
En tel 1270, dopo na grave crisi pułìtega, la cexa ga iutá la casa reale a tornar in control del paexe. En cambio, el re ga dato a la cexa tuta la tera che la volea[15].
Modernità
La fin del XIX secolo ga visto la spartision de l’Africa tra le potense eoropee. Co l’apertura del canal de Suez, la zona del Corno d’Africa xe diventá importante.
Inte el 1870 na compagnia italiana ga comprá el porto de Assab da on sultan locale. Dal porto de Assab le partìa la conquista de l’Eritrea. L’espansion italiana ga portá al conflito co l’Etiòpia. La bataglia finale xe stá a Adua inte el 1896, quando el negus Menelik II ga fermá i italiani e salvá l’indipendenza.
L’Italia ataca l’Etiòpia el 3 otobre1935 e i entra ne la cavedal el 5 magio1936. L’ocupasion dura fin al 1941.
Indipendensa
Inte el 1941 i inglexi i catura Adis Abeba e restituise el trono a Haile Selasie.
En tel 1974, el paexe xera a tera par la sicitá. Mentre che el negus fasea feste par i so sostenitori, la gente la morea de fame.
L’esercito ga fato on colpo de stato e Haile Mariam Menghistu sa tolto el poder.
N’altra carestia (1984-1985) ga portá a la morte oto milioni de persone.
La guera civile contro Menghistu e la guera par l’indipendenza de l’Eritrea ga sugá le case de lo Stato. Menghisto ga dovù scapare inte el 1991. L’Eritrea l’è diventá indipendente e i ribeli ga meso al poder Meles Zenawi.
Le prime elesion multipartitiche le se tegnù inte el 1994.
Dopo qualche ano de pace tra Eritrea e Etiòpia, na guera de confin l’è sciopá in tel 1998.
L’Etiopia ga acetá el cesate el fogo quando la xera rentro a l’Eritrea inte el 2000.
I soldai etiopici xe torná sul confin mentre che i soldai de l’ONU ga ocupá na strisia de tera de 20 km par tuta la lungheza del confin. L’Etiòpia sa rifiutá de acetar el risultato de na comision internasional che ga studiá i confini e la se pol parmetar de tegnar la tension a on minimo, mentre che l’Eritrea no ga bastanti soldai e schei par tegnar bota.
Dopo le lesion del 2005, co l’oposision che gavea la majoria in tanti segi, el governo xe intervegnù par mantegnar el control del paexe.
Da alora, el parlamento ga na majoria governativa, ma i centri urbani xe governá da persone filo-governative imposte da Zenawi.
Zeografia politega
Divixion aministrativa
La Etiòpia la xe divixa in 9 rejon o riserve (kililoch) e 2 sità autonome (akababiwoch).
I grupi etnici pi importanti xe: oromo 40%, amhara 32%, tigrini 7%, sidamo 9%, shankella 6%, somali 6%, afar 4%, gurage 2%, altri 1%.
Religione
La Cexa Ortodosa Tewahedo, originaria de l’Etiòpia, xe seguia da al 51% de la popolasion.
I musulmani xe el 32%; le sete cristiane de vario genere el 10%; i catoleghi xe l’1%; e el resto segue le religioni tradisionali.
Lengoe
Le lengoe pi parlá xe: oromigna, amarico, somali, tigrino (o tigrigno), sidamo, guragigna, e altre lingue locali.
L’inglexe xe parlà da i pi xoveni e l’italiano xe parlá da i pi veci.
Sosietà
La produsion alimentare locale xe suficente par sostener la popolasion, parò el paexe resta in pericolo de carestia.
La majoria de la zente segue na dieta monotona par motivi religiosi. Quando ghe na sicitá xe dificile ofrire cibo difarente.
Economia
A majoria de la zente vive soto el livel de povertá.
L’Etiòpia xe un paexe agricolo.
L’industria la se cata sora-de-tuto rente a la cavedal.
El turismo no l’è oncora in grado de ofrir entrate sicure.
Curiositá
L’Etiòpia xe considerá la pi vecia nasion africana.
Se se esclude la curta ocupasion italiana (1936-1941) l’Etiòpia xe la sola nasion africana che no ga subì la colonizasion.
Na legenda la vol che la regina de Saba, on regno de i altipiani, saria andá a catar el re Salomone a Gerusaleme. Dopo verghe fato a l’amor col re, la regina ga dato luce a on fiol, che se ciamaa Menelik.
Menelik sarea stá el primo imperatore de Etiòpia e tute le dinastie che lo ga seguí dovea dimostrare de esare disendenti de Menelik par poder regnare.
La veritá xe che el re Menelik storicamente conosù no ga niente a che fare co Salomone e la regina de Saba.
Attilio Mori, Giuseppe Stefanini, Giovanni Negri, Mario Salfi, Enrico Cerulli, Carlo Conti-Rossini, Luigi Gramatica, Enrico Cerulli, Carlo Conti-Rossini, Michelangelo Guidi, Mario Giordani, Ignazio Guidi, ETIOPIA, in Ençiclopedia Italiana, Istituto de ła Ençiclopedia Italiana, 1932.
.svg){kind=small}
.svg){kind=small}
.svg){kind=small}
