Die Anadir (Russies: Ана́дырь) is 'n groot oos-vloeiende rivier in die Russiese Verre-Ooste. Dié rivier, met 'n lengte van 1 150 km (710 myl), ontspring in die Anadir-plato in Tsjoekotka, Rusland. Aansluitend vloei dié rivier in 'n suidwestelike en later in 'n oostelike rigting deur Markowo. Vanaf hier vloei die Anadir in 'n noordoostelike en aansluitend in 'n suidoostelike rigting. Net wes van Anadir mond dié rivier in 'n delta in die Beringsee uit. Die Anadir is die mees oostelike van Rusland se groot riviere.
Die Anadir se omgewing is gekenmerk deur die Toendra.
