Serwies

Serwies ; српски / srpski
Uitspraak:	[sr̩̂pskiː]
Gepraat in:	Serwië; Bosnië en Herzegowina; Montenegro; Kosovo; Noord-Masedonië; Kroasië; Roemenië
Gebied:	Balkan
Totale sprekers:	12 miljoen
Taalfamilie:	Indo-Europees; Slawies; Suid-Slawies; Suidwes-Slawies; Serwo-Kroaties; Serwies
Skrifstelsel:	Cyrilliese alfabet; Latynse alfabet
Amptelike status
Amptelike taal in:	Serwië; Bosnië en Herzegowina; Montenegro (in amptelike gebruik); Kosovo; Berg Athos
Gereguleer deur:	Raad vir Standaardisering van die Serwiese taal
Taalkodes
ISO 639-1:	sr
ISO 639-2:	srp
ISO 639-3:	srp
	Nota: Hierdie bladsy kan IFA fonetiese simbole in Unicode bevat.

Hierdie artikel handel oor die taal. Vir die etniese groep, sien Serwiërs.

Serwies (Serwiese Cyrillies: српски, Latyns: srpski, [sr̩̂pskiː]) is 'n taal binne die Slawiese tak van die Indo-Europese taalfamilie. Saam met Sloweens, Kroaties, Masedonies, Bosnies, Montenegryns en Bulgaars word dit by die Suid-Slawiese taalgroep gereken. Serwies was vroeër (as Serwo-Kroaties) saam met Sloweens en Masedonies die ampstale van die voormalige Joego-Slawië.

Serwies is tans die ampstaal van Serwië, waar dit deur sowat 6,2 miljoen mense as moedertaal gepraat word. 'n Verdere twee miljoen sprekers word in Bosnië en Herzegowina, Montenegro, Kroasië, Kosowo en Noord-Masedonië aangetref. Die taalkennis van sowat 3,5 miljoen Serwiese emigrante in Wes-Europa, Australië, Kanada en die Verenigde State varieer. Daarbenewens is Serwies in Montenegro in amptelike gebruik.

Volgens die Serwiese grondwet van November 2006 word Serwies amptelik volgens die Cyrilliese alfabet geskryf, alhoewel in die alledaagse lewe en in die media dikwels ook die Latynse alfabet gebruik word.

Op grond van grammatikale en semantiese kriteria word na Serwies, Kroaties en Bosnies dikwels as nasionale variëteite van 'n gemeenskaplike taal, Serwo-Kroaties, verwys. Alhoewel hierdie klassifikasie omstrede is, is al drie tale tot 'n groot mate onderling verstaanbaar.

In Montenegro word die ampstaal amptelik Montenegryns genoem en kan in beide die Cyrilliese en die Latynse alfabet geskryf word. Die verskille tussen Montenegryns en Serwies is egter minimal.

Alfabette

Cyrillies	А а	Б б	В в	Г г	Д д	Ђ ђ	Е е	Ж ж	З з	И и	Ј ј	К к	Л л	Љ љ	М м	Н н	Њ њ	О о	П п	Р р	С с	Т т	Ћ ћ	У у	Ф ф	Х х	Ц ц	Ч ч	Џ џ	Ш ш
Latyns	A a	B b	V v	G g	D d	Đ đ	E e	Ž ž	Z z	I i	J j	K k	L l	Lj lj	M m	N n	Nj nj	O o	P p	R r	S s	T t	Ć ć	U u	F f	H h	C c	Č č	Dž dž	Š š
IFA	/a/	/b/	/ʋ/	/g/	/d/	/dʑ/	/e/	/ʒ/	/z/	/i/	/j/	/k/	/l/	/ʎ/	/m/	/n/	/ɲ/	/o/	/p/	/r/	/s/	/t/	/tɕ/	/u/	/f/	/x/	/ts/	/tʃ/	/dʒ/	/ʃ/

Verwysings

↑ http://www.rts.rs/page/stories/sr/story/125/Dru%C5%A1tvo/45760/Srpski+jezik+govori+12+miliona+ljudi+.html
↑ "argiefkopie". Geargiveer vanaf die oorspronklike op 15 Mei 2014. Besoek op 16 Mei 2014.
↑ Waarvan 6,62 miljoen in Serwië sonder Kosowo (88% van die totale bevolking), 1,49 miljoen in Bosnië en Herzegowina (37,1%), 400 000 in Montenegro (60%), 133 000 in Kosowo en 45 000 in Kroasië (sonder vlugtelinge), moontlik een miljoen in die Serwiese diaspora. Statistieke vir 2006, Encyclopedia of Language and Linguistics, 2de uitgawe
↑ (en) "Language and alphabet Article 13". Grondwet van Montenegro. WIPO. 19 Oktober 2007. Besoek op 2 Desember 2020. Serbian, Bosnian, Albanian and Croatian shall also be in the official use.

Eksterne skakels

Wikipedia

Sien gerus Wikipedia se uitgawe in Serwies

Wikimedia Commons het meer media in die kategorie Serwies.

Wikiwoordeboek het 'n inskrywing vir Serwies.

Hierdie artikel oor 'n taal, taalgroep of taalfamilie is slegs 'n saadjie. Jy kan help deur dit uit te brei.

Indo-Europese tale: Satem-tale: Slawiese tale
Wes-Slawiese tale:
Kasjoebies \| Polabies (†) \| Pools \| Slowaaks \| Silesies \| Sorbies (Neder-Sorbies, Opper-Sorbies) \| Rusyn (Rusnak) \| Tsjeggies
Oos-Slawiese tale:
Oud-Oos-Slawies (†) \| Oekraïens \| Russies \| Rusyn (Roeteens) \| Belarussies
Suid-Slawiese tale:
Bulgaars \| Masedonies \| Sloweens \| Serwo-Kroaties (Bosnies, Kroaties, Montenegryns, Serwies)
Kunsmatige tale:
Protoslawies \| Kerkslawies (Ou Kerkslawies †) \| Interslawies