José Luis Zalde

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

José Luis Zalde
Información personal
Nombre real	José Luis Lizalde
Calendata naiximiento:	1910
Puesto naiximiento:	Exeya d'os Caballers (Cinco Villas, Aragón)
Calendata muerte:	27 de chinero de 1977
Puesto muerte:	Madrit (Comunidat de Madrit, Espanya)
Ocupación:	Actor Cantaire
Alma Máter	Agrupación Artística Aragonesa

José Luis Zalde (nombre artistico de José Luis Lizalde), naixiu d'Exeya d'os Caballers (Cinco Villas, Aragón) en 1910 y muerto en Madrit (Comunidat de Madrit, Espanya) o 27 de chinero de 1977, estió un actor y cantaire de zarzuela aragonés, activo en o teatro y la zarzuela dende muit choven y en o cine espanyol dende principios d'os anyos 1960, con arredol de 70 interpretacions en cintas, siempre en papels segundarios.

Naxió en una familia adedicada a l'artesanía d'a fusta, que cuan él no teneba so que dos anyadas marchoron enta Zaragoza, a on José Luis s'educó. Encara que la familia li presionó ta que continase con a tradición familiar, de muit choven ya amostró lo suyo intrés por o mundo d'a escena, destacando en l'Agrupación Artística Aragonesa por a suya predisposición a interpretar papels de comedia, pasando-se bien luego enta lo campo profesional, a on treballó en as companyías de Carmen Díaz y de Manolo París, treballando dimpués en o Teatro Novedades de Barcelona convertindo-se dimpués en director artistico d'o Salón Oasis de Zaragoza y continando una exitosa carrera interpretativa.