José Sanjurjo Sacanell, naixito de Pamplona (Navarra) o 28 de marzo de 1872 y muerto en Estoril (Portugal) o 20 de chulio de 1936, estió un militar espanyol, que partecipó en a Guerra Hispano-estausunidense y en a Guerra de Marruecos. Mientres a dictadura de Primo de Rivera, estando cheneral, mandaba a Guardia Civil, y cuan se proclamó a Segunda Republica Espanyola estió uno d'os primeros militars en prestar churamento de fidelidat a o nuevo rechimen (ye facil que en no estar conforme con a evolución politica d'a Monarquía en rematar a dictadura), encara que a escape se convertió en uno d'os suyos prencipals enemigos, protagonizando a dita Sanjurjada en 1932, un pronunciamiento fracasato que remató en o suyo exilio en Portugal. Dende Portugal estió uno d'os prencipals instigadors d'o golpe d'estato militar d'o 18 de chulio de 1936 que, en fracasar, ubrió camín a la Guerra Civil espanyola. Sanjurjo morió o 20 de chulio en un accident de l'avión que lo portaba enta Espanya ta mandar a los sublevatos.
L'aeropuerto de Zaragoza ye adedicato a o cheneral Sanjurjo.
.svg){kind=small}
