La República de Kiribati ye unu de los países más probes del mundu, siendo'l so PIB per cápita de US 1420 el 2010[7]. La esportación de fosfatos dende la isla de Banaba reportaba beneficios dende empiezos del sieglu XX, hasta que los depósitos escosaron en 1979, dempués de la independencia del Reinu Xuníu[1]. La economía depende agora de l'ayuda esterna (principalmente del Reinu Xuníu y Xapón) y de los ingresos por llicencies de pesca pa financiar les sos importaciones y el desenvolvimientu del so presupuestu.
La estimación del Bancu Asiáticu de Desarrollu sobre los principales puntos de crecedera de Kiribati identifica la llimitación que sufre'l país por (i) carauterístiques del terrén, (ii) dispersión xeográfica por 5,000 km d'océanu, (iii) alloñanza de los principales mercaos con costos de tresporte esternos, (iv) alta vulnerabilidá a les fuercies de la naturaleza, incluyendo'l cambéu climáticu y la xubida del nivel del mar, y (v) escasez de recursos naturales[8].
