Llyn Lliwbran

Llyn Llyfnbren
Math	llyn
Daearyddiaeth
Sir	Gwynedd
Gwlad	Cymru
Uwch y môr	1,450 troedfedd
Cyfesurynnau	52.814682°N 3.669325°W
	[golygwch ar Wicidata]

Llyn yn ne Gwynedd yw Llyn Lliwbran (hefyd: Llyn Brân a Llimbran ar lafar yn lleol^[1]). Fe'i lleolir tua 3 milltir i'r de o bentref Llanuwchllyn yn ardal Meirionnydd.

Saif y llyn bychan hwn 1,450 troedfedd^[1] i fyny mewn cwm ar lethrau dwyreiniol Aran Benllyn. Mae ffrydiau yn llifo o ben dwyreiniol y llyn i lifo am hanner milltir i gyfeiriad y dwyrain a llifo i afon fechan yng Nghwm Croes sy'n llifo wedyn i Afon Twrch, un o lednentydd Afon Dyfrdwy.^[2]

Ceir brithyll o liw euraidd yn y llyn.^[1]

Enwau

Ceir sawl enw ar y llyn hwn. Ar y map Arolwg Ordnans ceir "Llyn Lliwbran". Ar lafar yn lleol fe'i gelwir yn "Llyn Brân" a "Llimbran" hefyd. Yn ogystal, cyfeirir ato weithiau fel "Llyn Aran" ond ceir Llyn Aran arall ger Dolgellau, dan gysgod creigiau Cader Idris.^[1]

Cyfeiriadau

↑ ^1.0 ^1.1 ^1.2 ^1.3 Frank Ward, The Lakes of Wales (Herbert Jenkins, Llundain, 1931).
↑ Map OS 1:50,000 Landranger 124 Dolgellau.

[Frank_Ward_1931-1] 1.0 ^1.1 ^1.2 ^1.3 Frank Ward, The Lakes of Wales (Herbert Jenkins, Llundain, 1931).

[2] Map OS 1:50,000 Landranger 124 Dolgellau.

[1]

[2]