|
2-a de julio
La 2-a de julio estas la 183-a tago de la jaro (la 184-a en superjaroj) laŭ la Gregoria kalendaro. 182 tagoj restas.
Je la 2-a de julio okazis, interalie:
Eventoj
- 311: Miltiado iĝis papo
- 936: Post morto de sia patro Henriko la 1-a, la Birdisto Oto la 1-a iĝis princo de Saksio kaj poste la 7-an de aŭgusto reĝo de Germanio
- 1186: Pola princo de Pomerio Sambor fondis en Oliwa monaĥejon de cistercianoj
- 1307: Apud Rigo okazis batalo inter litovoj kaj la Ordeno de germanaj kavaliroj
- 1309: Post duonjara mallibero, episkopo de Krakovo Jan Muskata subskribis kompromisan kapitulacon kun la pola reĝo Władysław Łokietek kaj iris en ekzilon
- 1549: Sigismondo la 2-a (Pollando-Litovio) alianciĝis en Prago kun la ĉeĥa reĝo Ferdinando la 1-a (Sankta Romia Imperio)
- 1555: Turka pirato Turgut Reis detruis marbordon de Kalabrio
- 1600: Okdekjara Milito: venko de nederlanda armeo en la Batalo de Nieuwpoort kontraŭ hispanoj
- 1658: Sveda diluvo: sieĝo de Toruń komencita
- 1698: Oni patentigis vapormaŝinon
- 1776: Usona Dua Kontinenta Kongreso rezoluciis pri rompo de ligoj kun Britio
- 1777: Vermonto kiel unua usona ŝtato abolis sklavecon
- 1779: Shropshire (graflando de Anglio): unua arko de Iron Bridge super Severn konstruiĝis kiel la unua arkoponto el gisfero
- 1782: Kapitulaco de Ĝenevo, sieĝita de tri koaliciaj armeoj - franca, sardia kaj berna - kiuj volas ĉesigi la "Revolucion de Ĝenevo", inspirita de la ideoj de Jean-Jacques Rousseau, kies ekzemplo povus esti infekta
- 1798: Napoleono konkeris Aleksandrion en Egiptio
- 1800: Parlamento de la Unuiĝinta Reĝlando voĉdonis Act of Union 1800 kun Irlando surbaze de kiu ekestis la 1-an de januaro 1801 Unuiĝinta Reĝlando de Granda Britio kaj Irlando
- 1816: Franca fregato Méduse grundiĝis sur rifoj de Nacia parko Banc d'Arguin en la hodiaŭa Maŭritanio - postvivantoj eskapis sur improvizita floso, kiu estis prezentita en la pentraĵo La floso de la Meduzo de Théodore Géricault
- 1839: Abd-ul-Meĝid iĝis sultano de Otomana Imperio
- 1839: 20 mejloj de Kubo 53 afrikaj ribelantoj gvidataj de Sengbe Pieh transprenis sklav-ŝipon
- 1860: Siberio: Vladivostoko estas fondita de rusaj maristoj
- 1865: Kristana evangelia movado Armeo de Savo fondiĝis kiel karitata organizaĵo aganta laŭ la principo sola scriptura
- 1865: Incendio preskaŭ tute detruis svedan urbon Karlstad
- 1881: Charles J. Guiteau pafis la usonan prezidenton James A. Garfield, kiu mortis pro infekcio je la 19-a de septembro
- 1890: Kontraŭtrusta akto de Sherman estis voĉdonita de Usona Kongreso
- 1900: Apud Friedrichshafen super Bodenlago ekŝvebis unua zepelino
- Unua mondmilito
- 1923: Dua Pola Respubliko: Unuiĝo de Libera Skoltismo estas fondita (malfondita post unu jaro pro internaj konfliktoj)
- 1927: Pollando: Dipatrino de Aŭrora Pordego en Vilno estis kronita de primaso
- 1928: En Britio virinoj, kiu finis la 21-an vivjaron ricevis aktivan kaj pasivan balotrajton
- 1932: Donecka provinco kreiĝis
- 1932: Grekio decidis establi someran tempon
- 1934: Germana Regno: Nokto de la longaj tranĉiloj finiĝis kun la morto de Ernst Röhm
- 1937: Super Pacifiko pereis Amelia Earhart, kiu provis per aviadilo ĉirkaŭigi la Teron laŭ ekvatoro
- 1939: Himalajo: polaj montogrimpistoj atingis pinton de Nanda Devi East, la duan laŭ alteco en Barato, landlime kun Ĉinio
- Dua mondmilito
- 1940: Germana okupado de Pollando: el malliberejo en Krakovo forkuris tagon antaŭ pafmortigo kelkaj malliberuloj - interalie Stanisław Marusarz; Reinhard Heydrich notis, ke direktivoj, kiujn ricevis operacaj grupoj de SS estis "eksterordinare radikalaj", i.a. oni tiutempe eldonis "ordonon de likvido de pluraj polaj gvidantaj grupoj, nombrantaj milojn de personoj"; Adolf Hitler ordonis pribalori planon de invado al Britaj Insuloj - Operaco Seelöwe; Vichy: dekreto de registaro de la reĝimo de Vichy malpermesis al polaj civitanoj en soldatiga aĝo forlasi Francion - malgraŭ tio ĉirkaŭ 1000 personoj evakuiĝis tra marvojo, landvojo aŭ Pireneoj; Subhas Chandra Bose, gvidanto de la hindia sendependiga movado estis arestita en Kolkato
- 1941: 11-a tago de fulmomilita germana invado al Sovetunio: fino de la unua pogromo de judoj en Lvovo; SS-unuo alvenis al Vilno komencante sisteman ekzekutadon de ĝis 100 000 homoj dum la venontaj tri jaroj; soveta okupado de Pollando: tagon antaŭ la germana okupado sovetaj regopovoj okazigis mortomarŝon evakuante de Krzemieniec (Ternopila provinco) 135 malliberulojn, kiujn oni pelis perpiede al Jampol, inkluzive de 6 virinoj — parto de ili, kiuj malfortiĝis kun la marŝo, pereis de kugloj elpafitaj de gardistoj; germana 11-a Armeo atakis norden de Moldavio; Sovetunio: Konsilio de Popolkomisaroj voĉdonis pri ĝenerala mobilizo al kontraŭaviada defendo, en Moskvo formiĝis taĉmentoj; en Japanio okazis parta mobilizo kun kunsido de la Sekreta Konsilio, kies decidojn soveta spiono Richard Sorge transdonis al Moskvo; Ĉinio rompis diplomatiajn rilatojn kun Germanio kaj Italio
- 1942: Operaco Reinhardt: germana polico murdis en Varsovio 110 judojn forveturigitajn de la Varsovia geto; en Poznań oni senkapigis 11 polojn de Toruń kaj ĉirkaŭaĵoj; SS pafmortigis en koncentrejo Auŝvico 17 membrojn de Pola Sekreta Organizaĵo de Ribelantoj en Gotartowice (nun en Rybnik); en Ponary (proksime al Ostróda) germanoj pafmortigis pli ol 100 personojn; Orienta Fronto: amasa aeratako de Luftwaffe al Novorossijsk, germana 4-a Kirasita Armeo atingis relvojon Kastornoje — Starij Oskol; generalo Władysław Sikorski aprobis evakuon de la Pola Armeo en Sovetunio al Proksima Oriento; nokte Bomba Korpuso de RAF atakis Bremenon
- 1943: Kadre de Operaco "Homlupo" okazis Volinia-Galicia masakro de 75 poloj en vilaĝo Stary Majdan (proksime al Biłgoraj) fare de ukraina 14-a Divizio de SS-Grenadistoj (inkluzive de murditaj 26 virinoj kun 16 infanoj ĝis 15 jaroj, kaj bruligitaj 76 bienoj); Pola Rezistomovado: partizana grupiĝo el areoj Radomsko-Kielce de leŭtenanto Jan Piwnik atakis germanajn armeajn trajnojn forprenante armilaron; funkciuloj de Gestapo arestis judinon Stella Kübler, kiu denuncis centojn de kaŝiĝantaj judoj el Berlino; Ruĝa Armeo avertis komandantojn de Voroneĵa kaj Centra Frontoj pri verŝajna germana atako apud Kursko
- 1944: Pola Subtera Ŝtato: Gestapo malkovris en Varsovio en kvartalo Mokotów armilfabrikon apartenantan al Pola Enlanda Armeo; taĉmento de PEA el areo Mielec ekregis armean spacon de V-1/V-2; taĉmento de Kamparanaj Batalionoj eksplodigis en fervoja stacidomo Dziewule (proksime al Siedlce) trajnon irantan orienten kun armiloj kaj municio al la fronto; Orienta Fronto: trupoj de la 3-a Belorusa Fronto liberigis du urbojn de Minska regiono, kaj tiuj de la 1-a Belorusa Fronto — 5 urbojn de la regiono; sur Saipano usona 2-a Divizio de Mara Infanterio okupis la plej grandan urbon Garapan; Gvatemalo: prezidento Jorge Ubico Castañeda demisiis; Itala Fronto: batalo de la 1-a Pola Korpuso apud Loreto komencita kun la celo krei pozicion por atako de Ankono; en Los-Anĝeleso okazis unua festivalo Jazz At The Philharmonic
- 1945: Du homoj, kiuj mortigis 15 grekajn rifuĝintojn, estis ekzekutitaj apud horloĝturo en Izmiro
- 1947: Pola Sejmo voĉdonis pri kreo de Ŝtata Muzeo en Majdanek kaj Ŝtata Muzeo Auschwitz-Birkenau en Oświęcim - ankaŭ koncentrejo Stutthof kaj militprizono Łambinowice (Distrikto Nysa) estis agnoskitaj martirec-monumentoj de la pola kaj aliaj nacioj
- 1947: Ministro pri eksterlandaj aferoj Vjaĉeslav Molotov deklaris en Parizo, ke Sovetunio ne partoprenos en la plano Marshall — Ĉeĥoslovakio sub premo de Sovetunio rezignis pri la plano
- 1947: Generalo Tadeusz Komorowski iĝis ĉefministro de la pola ekzila registaro
- 1949: Vasil Kolarov iĝis ĉefministro de Bulgario — post morto de Georgij Dimitrov
- 1950: Kioto: budhana monaĥo bruligis Kinkaku-ji, zenan bikŝuejon de la skolo Rinzajo
- 1950: Korea milito: armitaj fortoj de la Unuiĝintaj Nacioj, ĉefe usona terarmeo, eniris al Koreio
- 1951: Stalinismo: mortigo de komunista funkciulo kaj du homoj estis misuzita de la sekreta servo de Ĉeĥoslovakio en justicaj murdoj de pastroj
- 1953: Imre Nagy anstataŭis politikiston Mátyás Rákosi sur la posteno de la hungara ĉefministro
- 1962: Sam Walton establis la unuan magazenon, kiu komencis reton da superbazaroj Wal-Mart - la plej granda kompanio en la mondo laŭ enspezoj
- 1964: Usona prezidento Lyndon B. Johnson subskribis leĝon pri civitanaj liberecoj por afro-usonanoj
- 1965: Esoterismo: itala pastro Dolindo Ruotolo faris notaĵon pri la pola papo Johano, skribinte ke tiu papo faligos komunismon
- 1966: Francio okazigis sian unuan nuklean teston en Mururoa
- 1968: En Japanio kadre de "Shōnen Jump" aperis unua ĉiusemajna revuo pri porknabaj mangao kaj animeo
- 1972: Barato kaj Pakistano subskribis interkomprenon pri nova demarkacia linio en konflikta Kaŝmiro
- 1976: Nord-Vjetnamio kaj Vjetnama respubliko unuiĝis por krei Socialistan Respublikon Vjetnamio - pli ol 10 jaroj post la komenco de la Vjetnama milito (1954)
- 1984: Flago de Curaçao adoptita
- 1989: Germana virina nacia teamo de futbalo gajnis Eŭropan Virinan Futbal-Ĉampionadon 4:1 kontraŭ la norvega virina nacia teamo
- 1990: Rezulte de paniko en tunelo proksima al Mekko oni tretis 1426 pilgrimantojn
- 1992: Václav Klaus iĝis ĉefministro de Ĉeĥio
- 1993: Turkio: 37 personoj mortis, ĉefe alevoj, kiuj partoprenis kulturan festivalon, pro atako de islamaj teroristoj
- 1994: Lasta komunista gvidanto de Albanio Ramiz Alia estis kondamnita al 8-jara malliberigo pro krimoj kontraŭ la homeco
- 1995: Slovakio: papo Johano Paŭlo la 2-a kanonizis 3 martirojn de Košice
- 1997: Financa krizo en Azio: devaluto de tajlanda bahto kaŭzis krizon en Tajlando, Malajzio, Indonezio, Singapuro kaj Sud-Koreio
- 2000: Vicente Fox Quesada gajnis prezidentan balotadon en Meksiko forigante Revolucian Institucian Partion, kiu seninterrompe regis la landon sub diversaj nomoj ekde 1910
- 2002: Steve Fossett kiel unua homo ĉirkaŭnavigis la teron balone sen alteriĝado
- 2004: Registaro de Ĉeĥio gvidata de Vladimír Špidla eksiĝis, Stanislav Gross estis komisiita formi novan registaron
- 2006: Felipe Calderón gajnis prezidentec-baloton en Meksiko
- 2008: FARK liberigis prezidentec-kandidatinon Íngrid Betancourt en Kolombio post 6-jara mallibero
- 2009: Barato abolis kriman proceson pro samseksemo
- 2010: Demokratia Respubliko Kongo: 230 personoj pereis kaj 190 vundiĝis rezulte de la eksplodo de cisterno en vilaĝo de Sud-Kivuo
- 2013: 24 personoj pereis kaj 4 vundiĝis en katastrofo de helikoptero Mi-8 de Polusa Aerlinio en Jakutio
- 2013: Internacia Astronomia Unio eknomis naturajn satelitojn de Plutono Kerberoso kaj Stikso
- 2017: Krakovo: sur Vavelo komenciĝis la 41-a komitatsesio de la Monda heredaĵo de Unesko - ĝis nun oni enskribis 1052 bonaĵojn de la homaro
- 2022: Invado de Rusio en Ukrainion:
- 129-a tago de la rusa agreso: Ukraina Ĝenerala Stabo en sia ĉiutaga raporto informis i.a., ke ĝis nun en Ukrainio 36 mil rusiaj soldatoj estis mortigitaj (kune kun unu mortigita soldato du estas vundataj); ukraina armeo en pripafata de ĉiuj flankoj Lisiĉansk reĵetis du sturmojn — en la regiono domo post domo estas bruligata pro pripafado; Mikolajivon falis 12 rusaj raketoj, parto estis paffaligita; pli ol 10 mil loĝantoj de Mariupolo restantaj en mallibero en uzurpa kaj neagnoskata Donecka Popola Respubliko estas torturataj kaj malsatigataj; de la invadkomenco rusia armeo faris en Ukrainio 407 krimojn kontraŭ kultura heredaĵo: oni tute detruis 10 objektojn en Donecka provinco, Kieva provinco, Sumia provinco kaj Ĉernihiva provinco, damaĝitaj estis 125 objektoj de kultura heredaĵo kaj 101 objektoj de historiaj konstruaĵoj, la okupantoj detruis aŭ damaĝis 145 ekleziajn objektojn
- Mondrego: Ĵus liberigitaj de rusa mallibero ukrainaj militkaptitoj estis intervjuitaj de usonaj ĵurnalistoj rakontante pri aplikataj kontraŭ ili torturoj; ĉefministro de Norvegio deklaris milionon da eŭroj por helpi al Ukrainio; PostEurop suspendis poŝto-membrecon de Rusio kaj Belorusio; en Pollando komenciĝis presado de pasportoj por restantaj ukrainoj
- 2023: Unua nokta atako al Kievo, post preskaŭ du semajnoj, estis rebatita de ukraina aerdefendo, kiu paffaligis ĉiujn senpilotajn aviadiloj; Ukrainio disreviĝis pri transdonitaj de Francio batalveturiloj de infanterio, kiuj ne taŭgas en la fronto; por kaŝi proprajn perdojn rusoj pligrandigas reton de memmovaj krematorioj, unu funkcias en havenurbo Berdjansko, la alia en Melitopolo
- Mondreago: Pasinttage polan-belorusan ŝtatlimon provis eksterleĝe trapasi 187 personoj, ĉefe el Irano kaj Somalio — de du monatoj kreskis la kontrabando de homoj, Pollando direktis 500 policanojn kaj kontraŭterorisman taĉmenton por ĝin protekti, malgraŭ du bariloj, materia kaj elektronika; Putin konfirmis, ke rusiaj regopovoj financis privatan Grupon Wagner de Prigoĵin; kontrolata de Prigoĵin rusa grupo de amaskomunikiloj estis fermita;
Naskiĝoj
- 419: Valentiniano la 3-a, imperiestro de Romio, murdita (m. 455)
- 1262: Arturo la 2-a, duko de Bretonio (m. 1312)
- 1486: Jacopo Sansovino, itala skulptisto kaj arkitekto verkanta laŭ manierismo (m. 1570)
- 1644: Abraham a Sancta Clara, aŭstra predikisto kaj humura verkisto (m. 1709)
- 1648: Arp Schnitger, germana orgenkonstruisto (m. 1719)
- 1669: Sándor Károlyi, hungara generalo, kuruca grandbienulo (m. 1743)
- 1677: Pál Ráday, hungara politikisto kaj diplomato (m. 1733)
- 1714: Christoph Willibald von Gluck, germana operkomponisto de klasika muziko (m. 1787)
- 1724: Friedrich Gottlieb Klopstock, germana poeto, aŭtoro de eposo, odoj kaj barda poezio (m. 1803)
- 1750: François Huber, svisa natursciencisto (m. 1831)
- 1756: Christian Gottfried Körner, germana juristo kaj mecenato (m. 1831)
- 1780: László Gorove, hungara verkisto (m. 1839)
- 1787: Dorette Spohr, germana muzikistino (m. 1834)
- 1797: Mária Antónia Koháry, hungara princino (m. 1862)
- 1821: Charles Tupper, ĉefministro de Kanado, unu el Patroj de la Konfederacio (m. 1915)
- 1831: Alexandru Bernardazzi, rusia arĥitekto (m. 1907)
- 1832: Platon Kostecki, rutena-pola verkisto, poeto kaj ĵurnalisto (m. 1908)
- 1849: Ernst Kriesche, germana arĥitekto (m. 1935)
- 1862: William Henry Bragg, brita Nobelpremiita fizikisto, pioniro de la solidstata fiziko (m. 1942)
- 1869: Hjalmar Söderberg, sveda verkisto, tradukisto kaj ĵurnalisto (m. 1941)
- 1869: Liane de Pougy, franca dancistino kaj verkistino (m. 1950)
- 1876: Wilhelm Cuno, kanceliero de Germanio (m. 1933)
- 1877: Hermann Hesse, germana Nobelpremiita verkisto (m. 1962)
- 1880: Albert Szirmai, hungara-usonana komponisto kaj dirigento (m. 1967)
- 1881: Albert Fonó, hungara inventisto, inĝeniero, membro de Hungara Scienca Akademio, posedanto de 46 patentoj (pri vaporkaldrono, bremsilo, jetmotoro) (m. 1972)
- 1891: Lajos Szini, hungara verkisto, redaktoro (m. 1933)
- 1893: Ferenc Aschermann, hungara honvedkolonelo (n. 1821)
- 1903: Olavo la 5-a, reĝo de Norvegio el dinastio Glücksburg, rezistanta kontraŭ germana okupado (m. 1991)
- 1904: René Lacoste, franca tenisisto, gajninto de Davisa pokalo (m. 1996)
- 1905: András Bordi, hungara pentristo (m. 1989)
- 1905: Karl Steuerwald, germana pedagogo kaj turkologo (m. 1989)
- 1906: Hans Albrecht Bethe, german-usona Nobelpremiita fizikisto pro klarigo de meĥanismoj de energio-produktado en steloj (m. 2005)
- 1908: Magda Simon, rumania hungara ĵurnalistino kaj verkistino, malliberulino de koncentrejo Aŭŝvico (m. 1969)
- 1919: Jean Craighead George, usona verkistino de porjunulara kaj porinfana literaturo (m. 2012)
- 1920: Margit Gáll, rumania hungara porinfana verkistino, tradukistino (m. 1960)
- 1921: István Csüry, hungara bibliotekisto kaj fakverkisto (m. 1980)
- 1922: Pierre Cardin, franca mododesegnisto (m. 2020)
- 1923: Wisława Szymborska, pola Nobelpremiita poetino, eseistino kaj tradukistino (m. 2012)
- 1924: Loránd Lohinszky, rumania hungara aktoro (m. 2013)
- 1925: Patrice Lumumba, ĉefministro de Demokratia Respubliko Kongo (m. 1961)
- 1925: Medgar Evers, usona defendanto de homaj rajtoj, murdita (m. 1963)
- 1926: Konrad Rudnicki, pola teologo, profesoro pri astronomio, antropozofo, mariavita kleriko, justulo inter la popoloj, esperantisto, membro de AIS (m. 2013)
- 1928: Lech Emfazy Stefański, pola slavreligia kleriko, parapsikologo, verkisto, tradukisto, publicisto, aktoro kaj reĝisoro, organizanto de ekskurso por siaj disĉiploj al Delfo (m. 2010)
- 1929: Zbigniew Nagowski, pola inĝeniero, poligloto, ĉiĉerono de Esperantotur, tradukisto kaj esperantisto (m. 2017)
- 1929: György Gáspár, rumania hungara pedagogo instruanta en Aiud kaj Târnăveni
- 1929: Imelda Marcos, filipina politikistino, estinta edzino de Ferdinand Marcos
- 1930: Ahmad Jamal, usona ĵazpianisto (m. 2023)
- 1930: Carlos Menem, prezidento de Argentino 1989-1999 (m. 2021)
- 1930: Ota Pavel, ĉeĥa sporta ĵurnalisto kaj filmigata verkisto pri la naturo (m. 1973)
- 1932: Waldemar Matuška, ĉeĥoslovaka kontreo-kantisto kaj aktoro, kies kantoj estis malpermesitaj de komunistaj regopovoj (m. 2009)
- 1938: Domokos Szilágyi, rumania hungara hungara poeto (m. 1976)
- 1939: László Kovács, hungara politikisto, membro de Hungara Socialista Partio
- 1942: Vicente Fox Quesada, prezidento de Meksiko
- 1945: Anikó Salamon, rumania hungara etnografino (m. 1981)
- 1946: Richard Axel, usona Nobelpremiita biologo pro esploro de flaro
- 1952: Marek Karp, pola historiisto kaj sovetologo, fondinto kaj plurjara direktoro de la Centro de Orientaj Studoj, pioniro de pola-litova kaj pola-belorusa dialogo (m. 2004)
- 1955: Stephen Walt, usona politika sciencisto, profesoro pri internaciaj rilatoj
- 1956: Christian Rivière, franca esperantisto, redaktoro de "Ateismo" kaj prezidanto de la asocio ATEO, kontribuinta al Interlingvo inter Lingvoj. Prilingvaj Eseoj
- 1956: Normand Fleury, kanada esperantisto, prezidanto de Esperanto-Societo Kebekia, vic-prezidanto de Kanada Esperanto-Asocio kaj membro de la Amerika Komisiono de UEA, kun sia edzino Zdravka Metz en sia hejmo kreis Montrealan Esperanto-Domon
- 1957: Paulo Casaca, portugala politikisto, membro de la Eŭropa Parlamento (1999-2009) de la Portugala Socialista Partio (Partido Socialista) (parto de la Partio de Eŭropaj Socialdemokratoj)
- 1962: Laura Sajter, hungara lingvistino
- 1969: Jenni Rivera, meksika-usona kantistino (m. 2012)
- 1970: Yancy Butler, usona aktorino
- 1978: Owain Yeoman, kimra aktoro
- 1985: Ashley Tisdale, usona aktorino kaj kantistino
- 1986: Lindsay Lohan, usona aktorino, kantistino kaj fotomodelo
- 1987: Ruslana Korŝunova, kazaĥa modelino (m. 2008)
- 1990: Roman Lob, germana kantisto, kantaŭtoro
Mortoj
- 862: Sankta Swithun, episkopo de Winchester, Anglio (n. nekonata)
- 936: Henriko la 1-a, la Birdisto, unua reĝo de la Orientfranka imperio de la saksa dinastio Liudolfidoj (n. 876)
- 1504: Stefano la 3-a, princo de Moldavio konata de longa rezisto kontraŭ Otomana Imperio (n. ĉirkaŭ 1433)
- 1566: Michel de Nostradame (ankaŭ konata kiel Nostradamus), franca kuracisto, matematikisto, okultisto kaj astrologo, konsilisto de la franca reĝino Katerino de Mediĉo, viziulo famiĝinta per profetaĵoj (n. 1503)
- 1582: Akechi Mitsuhide, japana samurajo dum Sengoku-epoko (n. 1528)
- 1591: Vincenzo Galilei, itala liutisto, muzikteoriisto kaj komponisto (n. 1520)
- 1663: Thomas Selle, germana eklezimuzikisto kaj komponisto de baroko (n. 1599)
- 1741: Patro d' Entrecolles, franca jesuito ŝtelinta sekreton de ĉina porcelano (n. 1664)
- 1757: Siraj-ud-Daulah, lasta sendependa naŭabo de Bengalio (n. 1733)
- 1767: Christoph Andreas Mangold, germana kuracisto kaj kemiisto (n. 1719)
- 1778: Jean-Jacques Rousseau, svisa verkisto franclingva, filozofo kaj teoriisto pri pedagogio, reprezentanto de klerismo, aŭtoro de politika traktaĵo Socia kontrakto, epistola romano La nova Helojzo, aŭ didaktika poemo Emile, aŭ Pri la Eduko (n. 1712)
- 1798: John Fitch, usona inventisto konstruinta vaporŝipojn (n. 1743)
- 1831: Stanisław Rzewuski, pola militisto, historiisto pri filozofio, esploristo de literaturo (n. 1806)
- 1843: Samuel Hahnemann, germana kuracisto interesiĝanta pri botaniko kaj alkemio, poligloto, iniciatinto de homeopatio (n. 1755)
- 1849: Áron Gábor, hungara oficiro kaj kanonmuldisto (n. 1814)
- 1850: Robert Peel, ĉefministro de Britio, fondinto de Konservativa Partio (n. 1788)
- 1858: Ferenc Bene, hungara kuracisto, profesoro, membro de Hungara Scienca Akademio (n. 1775)
- 1893: Georg Daniel Teutsch, transilvania sakso, politikisto kaj episkopo (n. 1817)
- 1905: István Kruspér, hungara inĝeniero, geofizikisto, profesoro, membro de la Hungara Scienca Akademio (n. 1818)
- 1914: Joseph Chamberlain, brita politikisto, entreprenisto kaj parlamentano (n. 1826)
- 1915: Porfirio Díaz, prezidento de Meksiko (n. 1830)
- 1926: Emile Coué, franca psikologo, farmaciisto kaj esperantisto (n. 1857)
- 1932: Emanuelo la 2-a, la lasta reĝo de Portugalio (n. 1889)
- 1934: Ernst Röhm, germana nacisocialisto, estro de Sturmabteilung, la lasta viktimo de nokto de la longaj tranĉiloj (n. 1887)
- 1937: Amelia Earhart, usona pionira aviadistino kaj feministino, malaperinta (n. 1897)
- 1942: Eŭgeno Petroviĉ Petrov, rusa, soveta verkisto (n. 1903)
- 1949: Georgij Dimitrov, bulgara komunisto, politikisto kaj verkisto, kunfondinto de Kominform (n. 1882)
- 1961: Ernest Hemingway, usona Nobelpremiita verkisto (n. 1899)
- 1963: László Kovács, hungara verkisto, redaktoro, kritikisto (n. 1892)
- 1963: Lisa Tetzner, germana verkistino (n. 1894)
- 1964: János Adorján, hungara pioniro de aviado (n. 1882)
- 1971: Hans Gerstinger, aŭstra papirusologo kaj klasika filologo (n. 1885)
- 1977: Vladimir Nabokov, rusia, soveta, usona verkisto, aŭtoro de Lolita (n. 1899)
- 1981: Piroska Csányi, hungara ĵurnalistino kaj verkistino (n. 1909)
- 1982: Gizella Hervay, hungara poetino kaj tradukistino (n. 1934)
- 1983: Vladimír Neff, ĉeĥa verkisto, tradukisto kaj scenaristo, aŭtoro de romanoj estantaj epika kroniko de la ĉeĥa urbanaro (n. 1909)
- 1989: Andreo Gromiko, sovetia politikisto, diplomato kaj ekonomikisto, ministro pri eksteraj aferoj (n. 1909)
- 1992: Camarón de la Isla, hispana kantisto (flamenko) (n. 1950)
- 1997: James Stewart, usona aktoro (n. 1908)
- 1998: Miklós Gábor, hungara aktoro kaj reĝisoro (n. 1919)
- 1998: Gaston Hoessélo Eboe, togolanda esperantisto, fakdelegito pri folkloro (n. 1955)
- 1999: Mario Puzo, itala verkisto kaj ĵurnalisto (n. 1920)
- 2000: Anatolij Ufimcev, soveta, kazaĥa ŝakmajstro (n. 1914)
- 2002: Ray Brown, usona ĵaz-basisto (n. 1926)
- 2004: Sophia de Mello Breyner Andresen, portugala poetino kaj verkistino (n. 1919)
- 2005: František Roman Dragoun, ĉeĥa portretisto (n. 1916)
- 2006: Balázs Horváth, hungara politikisto, ministro, parlamentano, advokato (n. 1942)
- 2011: Itamar Franco, prezidento de Brazilo, guberniestro, ambasadoro (n. 1930)
- 2013: Faŭzia Ŝirin, egipta princino (n. 1921)
- 2013: Douglas Engelbart, usona inventisto, kunkreinto de hiperteksto, inventinto de komputila muso (n. 1925)
- 2014: Paul Wild, svisa astronomo, malkovrinto de 94 asteroidoj (n. 1925)
- 2015: Zoltán Bachman, hungara arkitekto, dekoraciisto kaj altlerneja instruisto (n. 1945)
- 2016: Elie Wiesel, rumana-usona Nobelpremiita verkisto, aŭtoro de la termino Holokaŭsto (n. 1928)
- 2016: Michel Rocard, franca politikisto, membro de Socialista Partio (n. 1930)
- 2016: Rudolf Emil Kálmán, hungara-usona elektroteknikisto (n.1930)
- 2018: Bill Watrous, usona bibopa ĵaztrombonisto (n. 1939)
- 2020: Nikolaj Kapustin, soveta komponisto kaj pianisto (n. 1937)
- 2022: Peter Brook, angla reĝisoro (n. 1925)
Specialaj tagoj kaj festoj
La 2-a de julio estas (laŭ gregoria kalendaro):
|
|
