José María Zuluaga Alonso (Bilbo, 1951ko irailaren 8a - ibidem, 2023ko abuztuaren 5a) bizkaitar futbolaria izan zen, erdilari moduan aritu zena.
Biografia
Athletic Clubeko harrobian hezia, Bilbao Athleticentzat jokatu zuen. 1973ko martxoaren 18an egin zuen debuta lehen taldearekin, Los Cármenesen Granada CFren aurkako hutseko berdinketan.[1]
Lehen taldean nahi zuen jarraitutasuna lortu ezinda, 1974-1975 denboraldian Athleticetik atera zen, Barakaldo CFri utzita. Makina bat partida jokatu zituen Eusebio Riosek zuzendutako lantaldean.
1975eko udan, Athletic Clubetik behin betiko atera zen 2. mailan zegoen Deportivo Alavésekin sinatzeko. Bertan bost denboraldi eman zituen, Mendizorrotzako taldean titularra bihurtuz.
Hurrengo bi denboraldiak Huelvako Recreativo de Huelva taldean jokatu zituen, non bere entrenatzaile ohia zen Txutxi Arangurenekin batera jokatu zuen. Huelvatar taldean, nahi gabe, gertakari baten protagonista izan zen: CE Sabadellen aurkako partida batean Konstituzioaren eguna zela, Errege Martxa jarri zuten. Zuloagak entzun zen eta ereserkia ez errespetatzeagatik isuna jarri zioten.[2]
Futbol profesionalean eman zituen azken bi denboraldiak Lorca Deportiva taldean izan ziren, non 1984an Bigarren Mailara igotzea lortu zuen.
Ibilbidea
Tituluak
Erreferentziak
