Walker, Rebecca Leventhal izenarekin jaioa, Alice Walkerfeminista afroamerikarraren alaba da, Purpura kolorea nobelaren egilearena, eta geroago zinemara eramandakoa, eta Melvyn Leventhal abokatu judeoamerikarrarena. Gurasoak dibortziatu ondoren, batean amarekin eta bestean aitarekin bizi izan zen, eta 18 urte bete zituenean, amaren abizena hartu zuen. 1992an graduatu zen, Yale Unibertsitateancum laude aipamena lortuta.
Ibilbidea
1989az geroztik Ms aldizkariaren editore eta egilea da. 1999an Third Wave Action Foundation sortu zuen, Shannon Liss-ekin batera. Third-wave feminism (Hirugarren olatuko Feminismoa) kontzeptua Walkerri egozten zaio.[1] Mugimendu horren jarraitzaileak, Third Wavers izenekoak, genero-berdintasunarekin, arraza, ekonomia eta gizarte justiziarekin (working towards gender, racial, economic, and social justice“) konprometituta daude.[2]
Hainbat aldizkaritan artikulu ugari idatzi ditu Walkerrek, CNNren eta MTVren programetan agertu da, eta egunkarietan eta aldizkarietan hitz egin da horretaz.
1998ko Primary Colors filmean bigarren mailako papera (March bezala) interpretatu zuen.
Sariak eta aipamenak
Hainbat sari jaso ditu bere lanagatik, besteak beste,
Women of Distinction Award, National Association of University Women, Feminist of the Year, Fund for the Feminist Majority, Bakea eta Justizia, Vanguard Foundation saria, Intrepwhepion National,
Time aldizkariak Ameriketako Estatu Batuetako berrogeita hamar lider garrantzitsuenetariko izendatu zuen.[3]
Lanak
To Be Real: Telling the Truth and Changing the Face of Feminism. (ed.) New York, 1995.
Black, White and Jewish: Autobiography of a Shifting Self. 2000.
What Makes A Man: 22 Writers Imagine The Future. (ed.) 2004
Baby Love: Choosing Motherhood After a Lifetime of Ambivalence. 2007.
