All Nippon Airways Co., Ltd. (全日本空輸株式会社 Zen Nippon Kūyu Kabushiki-gaisha), tamén coñecida como Zennikkū (全日空) ou ANA, é a aeroliña máis grande do Xapón. A súa sede atópase no Shiodome City Center en Minato, Toquio. A compañía voa a 49 destinos no Xapón e a 32 fóra do país. Os principais centros de operacións de ANA atópanse no aeroporto internacional de Narita, nas aforas de Tokyo, e no aeroporto internacional de Kansai, na periferia de Osaca. Os principais centros domésticos están no aeroporto internacional de Toquio (Haneda), no Aeroporto Internacional de Osaca, o aeroporto internacional Chūbu Centrair (preto de Nagoya), e o novo aeroporto de Chitose (preto de Sapporo).
Ademais das súas operacións principais, ANA controla varias subsidiarias, como a súa aeroliña rexional, ANA Wings, e a chárter Air Japan. Outras compañías máis pequenas son Air Do, unha aeroliña low-cost que voa entre Toquio e cidades de Hokkaido, AirAsia Japan, unha low-cost creada entre AirAsia de Malaisia e ANA, e Allex Cargo (ANA Cargo), a división de carga operada por Air Japan. ANA é tamén a maior accionista de Peach, unha compañía low-cost creada xunto co First Eastern Investment Group.
↑"Copia arquivada". airbus.com. 31 de xaneiro de 2015. Arquivado dende o orixinal o 17 de outubro de 2015. Consultado o 03 de novembro de 2019.|title= e |título= redundantes (Axuda); |urlarquivo= e |url-arquivo= redundantes (Axuda); |dataarquivo= e |data-arquivo= redundantes (Axuda); |accessdate= e |data-acceso= redundantes (Axuda)
