Carlos Vasallo

Carlos Vasallo

Biografía
Nacemento	(es) Carlos Luis Vasallo Tomé 18 de outubro de 1950 (74 anos) Valencia, España
Outros nomes	Carlos Vasallo
Residencia	Madrid Cidade de México Miami
Educación	Real Academia de Belas Artes de San Fernando
Actividade
Ocupación	empresario, director de cinema, actor, produtor, guionista
Período de actividade	1965 -
Empregador	WJAN-CD (en) América CV Network Caracol Radio (pt)
Familia
Cónxuxe	Susana Dosamantes (1978–1988) Tere Velázquez (1974–1978)
Parella	Maribel Guardia
Fillos	Kenia Vasallo  ()
Pais	Jesús Vasallo   e María del Rosario Tomé y Alonso
Irmáns	Javier Vasallo
Parentes	Paulina Rubio, fillastra
Premios
Claves da cidade

Carlos Luis Vasallo Tomé, nado en Valencia^[1][2] o 18 de outubro de 1950, é un empresario de orixe galega residente en Miami, da industria do entretemento e do audiovisual de México e no mercado latino estadounidense.

Carlos Luis Vasallo Tomé naceu o 18 de outubro de 1950 en Valencia, onde estaba destinado o seu pai o autor Jesús Vasallo Ramos. A súa familia materna era de Cesuras, e teñen unha casa en Trasanquelos. Estivo casado coas actrices mexicanas Tere Velázquez e Susana Dosamantes.

Aos 14 anos trasladouse a Madrid para traballar, primeiro como actor e despois como produtor de teatro e cine. A principios da década de 1970 foi presidente de Corral de Comedias, unha compañía teatral que exportou a outros países de fala hispana obras tan destacadas como Anillos para una Dama. Foi precisamente esta a que levou a Carlos Vasallo a montala en México. Deste xeito iniciou a súa carreira en América.

Dende 1975 ata o ano 2000, fundou e presidiu diversas compañías exhibidoras e distribuidoras no mercado hispano dende California e a costa oeste dos Estados Unidos e en todo México, como son: American General Films USA, Mexican Home Video, Video Universal México, América Home Video e Películas Nacionales. Coa produtora cinematográfica Atrium Production, da cal tamén foi fundador e presidente, realizou máis de 40 películas españolas.

Entre 1984 e 1998 presidiu as compañías Cinematec Video e Connoisseur Video, distribuidoras especializadas en introducir o cine de tódalas épocas, o cine clásico europeo e o cine de grandes directores no mercado dos Estados Unidos de América. Fundou e presidiu a compañía Top Entertainment, que dende 1985 se converteu na distribuidora máis grande do cine mexicano, xa que conta cos dereitos de explotación para todo o mundo de máis de 4.000 películas mexicanas^[3]. Durante as décadas de 1980 e 1990 foi presidente de Overseas Film Group, unha compañía independente para a distribución do cine americano en todo o mundo, chegando a distribuír máis de 200 películas da industria de Hollywood.

Dende o ano 2008 é tamén fundador e presidente das canles de televisión de pagamento Cine Estelar e Cine Nostalgia, ambas especializadas na exhibición de películas mexicanas en todo o territorio dos Estados Unidos de América. No ano 2009 formou a cadea de televisión VasalloVisión, na que logrou conxuntar emisoras de San Antonio (Texas), Houston (Texas), Denver (Colorado), Las Vegas (Nevada) e Louisville (Kentucky).

A partir de 2012 entrou na industria da recreación e o turismo, desenvolvendo salas de xogo e casinos en diversos hoteis da Riviera Maya en Cancún.

No ano 2014, na cidade de Santiago de Compostela, Galicia, recibiu a investidura como Cabaleiro da Orde do Camiño de Santiago. Foi un dos protagonistas do programa para Televisión de Galicia: "Pasaporte Galego", creado por Galicianblond®.

En 2016, foi nomeado presidente de América CV Network, que comprende as canles de televisión aberta CH-41 América TeVé e CH-48 TeVeo, dirixidas ao público hispano nos Estados Unidos e con sede na cidade de Miami (Florida), cunha distribución nos mercados de Miami, Nova York e Porto Rico^[2].

• Carlos Vasallo na IMDb (en inglés).